أخوي ثاير .. مشكلة الشهراني من عرفناه هي مشكلة هجومية .. لكن على المستوى الدفاعي يعتبر الشهراني خط دفاع لحاله ..
من عرفنا الشهراني وهو لاعب سريع و قوي و دقيق بافتكاك الكورة و غالباً يتمركز صح بالدفاع و ياما خلص كور من خط المرمى ..
ونادر جداً نشوف هدف جاي من جهته أو بسبب خطأ منه ..
لكنه مثل ماقلت .. هجومياً ضعيف و لا يبي له تعليم لأن هذا طلعه و هذي إمكانياته .. مع إني أشوف كمساند بالهجمة ممتاز .. يفتح و يمرر و يلعب مثلثات مع العابد أو سالم .. لكن عرضياته صفر على الشمال ..

أما الفرج فهو ترسانة إمكانيات .. مهاري و تمريراته جميلة و صانع لعب جيد .. لكن عقليته صفر ..
لاعب عنيد .. يعاند نفسه و يعاند الجمهور .. و يخطيء مليون مرة ولا فيه أبجح منه .. عادي و لا همه ..
لاعب ضرره حالياً أكبر من نفعه .. لأنه صار معطل للهجمة و بطيء بنقل الكور و يتفلسف كثير بالكورة .. و بارد بشكل سلبي ..
غير الهجمات العكسية اللي تضغط المدافعين و تربكهم وتعطي الخصم ثقة بالنفس بسبب مطرسته بالمحور و التفنن الزايد ..
والا والله العظيم الفرج كان دفاعياً بالظهير نجم كبير و صعب تعدي منه .. ماعنده مشاكل دفاعية ولا هجومية.. مشكلته بعقليته فقط

الفرج يبي له واحد صريح .. يقعد معه و يقوله تراك مولّي ومنت يم ديرة .. وأسلوبك هذا مستفز و راح تخسر مشجعين وقفوا معك
العب كورتك أول بأول .. قاتل مثل أول .. والا اقضب الباب

البريك .. هذا حالة نادرة .. هجومياً أفضل من أفضل صانع لعب بآسيا.. دفاعياً أسوأ من أسوأ دفاع بالدوري البنقلاديشي ..
مشكلته دفاعية .. ثغرة و نكبة و اذا خلصت لياقته قبل نهاية المباراة يصير قنبلة موقوتة بسبب ربكته و ثقل ركضه ..
غير انه لاعب بطيء و جسمه ضعيف و بالافتكاك يعتبر سيء ..