إقتباس الرسالة الأصلية كتبت بواسطة ابوساري أخوي حسين خل العاطفة على جنب .. كثير من الجماهير تحب ميليسي و روحه القتالية .. وخربين سجل 10 أهداف في آسيا .. وأنا قلت خربين مايصلح كمهاجم وحيد لأن الإنهاء عنده صفر .. وإذا تبي تقيسها بهالمقياس .. فالسهلاوي هداف آسيا في تصفيات كأس العالم .. أجل هو أفضل مهاجم آسيوي .. أما ميليسي فشبه اجماع على بقاءه ! .. يا رجل اللاعب جيّد لكنه دفاعياً و هجومياً لا يصنع الفرق .. تتكلم عن محترف محسوب عليك .. ميليسي أي لاعب سعودي يمسك خانته باقتدار .. الخيبري بالمحور براس ميليسي بكل تجرد .. و الخيبري كان أهم مفاتيح المنتخب بأخر مبارياته في التصفيات .. أنا لا قلت ميليسي و إلا خربين و إلا غيرهم.. المقصد إنهم محسوبين أجانب .. يعني يايفرق عن السعودي يابلاش تجيبه .. خربين أنا مع المطالبين ببقاءه سنوات طويلة .. عمره صغير 23 سنة و قابل للتطوير و لاعب قتالي و يحب الفوز .. لكن قدامه مشوار طويل عشان يصير مهاجمك اللي تغزي به .. وكخيار آسيوي يعتبر أكثر من ممتاز .. بيسمارك لاعب القادسية أفضل من خربين إمكانيات هجومية كرأس حربة .. لا حسبتها مقارنات .. أما ميليسي .. فأنا أجزم لو أغمض عيوني و أختار محور بأي فريق عشوائياً من دوري أوروبي متوسط أجيب أفضل منه 3 مرات .. دامه محسوب أجنبي .. أبيه أقل شيء يصير مثل رادوي .. ورادوي كان يلعب في ستيو الروماني في دوري متوسط وصار أسطورة عندنا .. ما أقول جب كونتي وإلا كساميرو .. الهلال فريق كبير و أي لاعب محترف غير سعودي راح يقدم مستوى لأن المنضومة تخليك تبدع .. عندك أفضل اللاعبين المحليين و إدارة احترافية توفر لك كل شيء وجماهير وراك بكل مباراة .. ناصر الشمراني في موسم سيدني كان أفضل لاعب آسيوي على فكرة .. أفضل لاعب على مستوى القارة .. يعني تصدرك للهدافين في نادي مثل الهلال مهب شيء مستغرب ..

ترى كثره الكتابه تسمى حشو زائد لا تعتقد اذا كثرت بربره انك كاتب محنك ورأيك الفني ما يخرش المويه

ابعلق على نقطه خربين . قدام بيروزي سجل لك 5 وقدام اراوا سجل لك هدف بنصف نهائي ونهائي سجلك 6 اهداف . وش تبيه يسوي لك اكثر من كذا واصيب .

انت بلاك من سالم المرمى منفتح قدامه يمزعه ويسطح ام الكوره ونفس الشي العابد يجلس يتكي عند الشهراني .

مشكله الهلال بالمحليين يا شاطر ولا تولج بعمر وهو العين الوحيده المفتحه وخلك بمحاورك صناع اللعب للخصم الفرج وعطيف وبعدين قيم عمر .