مالها الا هلالها اي والله مالها الا هلالها
الف مبروك لك اخي ابو عبدالله ولجميع الامة الهلالية هذا الفوز الكبير
ليلة البارحة تجلى الزعيم ولمع ايما لمعان
سرعة تحرك وطلب للكرة تهديف تمرير صح
كل شي يجب ان يفعل في كرة القدم قدمه لاعبي الهلال وبكل اقتدار وابداع وامتاع ومن كل الأنواع
عرضيات بينيات ركنيات

بعد فوز الزعيم ببطولة دوري جميل الأخيرة وكأس الملك كتبت ابيات شعر قصيرة في الزعيم والزعيم يحتاج منا اكثر من ذلك بكثير
واحببت ان اطرحها لاول مرة هنا في متصفحك هذا

هذا هو الانجاز لقالوا إنجاز
اللي به الجمهور يطرب ويختال

هذا البطل في نجد والا بلحجاز
الكأس والدوري وغيره على البال

بطولتين مطرزة بأفضل اطراز
والثالثة لو جات يالال يالاااااال

وجه السعد لامن نوى وأعطى الايعاز
تلقى الزعيم يشوش ويدك الأهوال

زعيم كل الأندية واسمه الباز
حاز الشرف والمجد والجاه والمال

خمسين مع ست البطولات هو حاز
دستور الإنجازات يحكى للاجيال

ان جاز للي ينافس وبعض ماجاز
موج الهلال ويغرق الكل في الحال

صوت المدرج كلما سجل وفااز
ياهلال ياهلال السعد ايييه ياهلال

وسلامتك وسلامة القراء الكرام