بسم الله الرحمن الرحيم ...

التعادل يعتبر جيد بس النتيجة السلبية تصب في صالح العين التعادل 1-1 يعني خروج الهلال يعني اذا سجل العين في الرياض الهلال مطالب بهدفين كنت اتمنى التعادل الايجابي ولكن قدر الله وماشاء فعل والحمدلله
المدرب تعامل بشكل جيدجداً مع المباراة وخذلته بعض الاسماء الموجودة في الفريق ...
الزعل ماهو على اللاعبين اللي توقفو في مباراة الاياب مثل عطيف والحافظ كروت كانت بسبب التحامات هذا وارد في كورة القدم حتى عطيف كان يقول للحكم اول احتكاك واعطاه كرت بس لما يجي واحد زي سلمان الفرج ياخذ كرت مجاناً وهو عارف انه راح يحرمه من المباراة القادمه هذا اللى يزعل واقل شي اقدر اسمية استهتار وعدم احساس بالمسؤولية وعدم احترام الشعار وكما كنت تماطل في التجديد وهذا من حقك اعطي النادي حقة داخل الملعب اتمنى من الكابتن سلمان الفرج يحصل على كرت نتيجة التحام قوي ولا يحصل على كرت نتيجة كلام وبربره لا تودي ولا تجيب وتسبب ضغط حتى على زملاه اللاعبين .... والمشكلة كل احتجاجاته غير صحيحة الحكم كان على حق .. بالخصوص الكوره اللى انقطعت منه في المنتص لم يخرج الكورة من بين اقدامه وحين مارس الفريق المنافس الضغط عليه ووقع على الارض تعال خذ لك احتجاج وانه مودرتش زمانه ... رساله للكابتن العب عربي مشي كورة وانت احسن من يمشي الكورة في الهلال لكن تجي تفتي كورة النتيجة احتجاجات الى الصباح على الحكم والنتيجة نخسر لاعب في مبارات الاياب ... بكل صراحه ادواردو كان وحيد في المنتصف غياب ميلسي والعابد ترك ادوارود بدون اي مساعده في ظل ان الخريبين بالخصوص الشوط الثاني كان خارج الفورمة حتى التحضين على الكورة للخريبين ياتصيب معه او ترجع مرتدة وخطيرة على الهلال كما حدث في كورتين واحده في الشوط الاول وواحده في الشوط الثاني لكن بالمجمل اللاعب ماقصر وكان مجتهد ولا يلام المرء بعد اجتهاده
الهلال كان اقرب بالخصوص بعد الطرد ولكن المدرب تاخر في التغييرات بس ماندري ممكن كان اهم شي عنده انه مايقبل هدف وخاف يندفع ويقبل هدف
احب اشيد بالبطل عبدالله المعيوف هذا اللاعب شكلة من نوعية اللاعبين الكبار اللي يحبون يلعبون تحط الضغط استمر ياكابتن هدوء وتمركز صحيح وهذا النتائج مستوى روعه واذا ان شاء الله تاهل الهلال اتمنى ماننسى البطل اللى اخرج كورتين صعبة من المرمى كل التوفيق للزعيم الملكي وكلي ثقه ان ابطال الهلال راح يعبرون مع المدرب بس تحتاج شوي تركيز وشوي جدية من بعض اللاعبين .