إقتباس الرسالة الأصلية كتبت بواسطة ابوساري أخوي الحضاري افهمني الله يرضى عليك .. مشكلتك مندفع شوي .. وانا والله فيه نقاط أنا معك فيها و فيه نقاط اختلف معك فيها .. زيه زي أي نقاش .. أنا ماقلت لدياز يغير خطة يلعب به الهلال من عام 2008 ههه .. حنا نتكلم عن ليو و فاعليته .. ودياز لعب بليو و خربين بنفس الوقت بخطة 4-4-2 و أنا قلت لو لعب ناصر بدال ليو جنب خربين قياساً على تفكير دياز يوم يلعب بهم جميع .. بالنسبة للشمراني عمره 33 سنة و لا يقدر يقدم أكثر من سنة سنتين وخلاص يطفى وبأواخر عمره الرياضي .. بس لو يصير عمره 40 سنة يظل أفضل من ليو هههههه .. ليو عاهة كروية تمشي على الأرض .. أنت تقول له ستايله .. أنا أقول لك ماله ستايل غير السكسوكة اللي حطها بآخر مباراة ليو لا هو مهاجم صندوق ولا برا صندوق .. مافيه أمل يلتحم بالكرات الهوائية مع إنه طويل نسبياً .. خوّاف وأتحداك تجيب خمس لقطات لليو يحاول يفتك كورة هوائية ( حتى قلت لك يفتك ماقلت بيسدد كورة هوائية أسهلها عليك ) ليو عاهة قدام المرمى ومابينه وبين الحارس الا ثلاثة متر مرتين بمباراة وحدة يشوتها برا المرمى .. !! غير هذا كله مستحيل يركض أو يعدي من واحد أو حتى يكنتر الورة زي الأوادم و بطيء كنه حلزونة مهب مهاجم .. كيف تقول بالله بعقلك تقارنة بناصر؟ .. والله إن المعيوف لو ألعب راس حربة عندي إحساس و اقتناع كلي إنه بيقدم أفضل من ليو .. بالأخير .. دياز تراه مدرب مهب رسول والا نبي .. يخطيء عادي .. وحنا ننتقده جماهير عادي .. ويصحح خطاه عادي .. وكونك واحد من الجمهور مايعني إن رايك مهب فني ولا خطأ .. فيه ناس أعمارهم بالأربعينات وحياتهم كورة لو هي دكتوراة كان أخذوها .. هل من المعقول أبهمّش رايهم لأنهم مالعبوا كورة أو مادربوا كورة؟ الشيء تشوفه قدامك .. ليو عاهة و دياز يلعبه عشان يمشي سوقه لأنه هو شخصياً ماقتنع به و يبي يسوقه بسوق الانتقالات لو يحطه احتياط طاح سوقه .. وخربين بآخر الموسم قدم مستوى خرافي يوم مسك أساسي ودياز عارف هالشيء ويدري إن ليو عاهة على فكرة لكنه صعّب الدوري على نفسه و تدارك الوضع بالامتار الأخيرة ..

طيب انت ليت تفهمني ونتكلم بصراحة .
مباراة الأهلي بجدة هي الانطلاقة الحقيقية للفريق وبنى عليها دياز خطته الدور الأول وأثبتت ولله الحمد نجاحها وذلك بوضع ليو راس حربة وخلفه ادواردو والعابد الخطة هذي هل تشكك بنجاحها ؟ هل ترى أنه من الأولى أن يكون ناصر مكان ليو ؟ ليو الدور الأول أثبت أنه أفضل من ناصر ولا تبحث لناصر عن أعذار .
ربما بعض المباريات لعب دياز بمهاجمين لكن الخطة الي قلتها هي الأكثر استقرار وثبات وفزنا بها في مباريات مهمة بالدور الأول ، ليو لم يظهر امام النصر 1-1 لكن على الأقل ربما 80% كان له بصمة الدور الاول كما قلت هدفه ضد الاهلي وضد الشباب و أهداف مهمة ضد الفتح الرائد وأغلبها أهداف صعبة او بالرأس واستغرب منك تقول ما يجيد الألعاب الهوائية يا رجل !!
اترك ليو الدور الثاني انا معك انه سيء وربما فيه شيء نفسي معنوي لا أعلم لكن الدور الأول معليش سجل أهداف لا أعتقد يسجلها ناصر !!
هدفه ضد الشباب فيه كنترول ومهارة كيف تقول ما عنده ؟ في الالتحامات الهوائية يتفوق على ناصر الا انت اذكر لي مباراة ناصر يقاتل على كرة عالية بالهواء !! هدفه ضد الأهلي بالرأس !!
وأرجو انك ما تنكر انه انقذنا اكثر من مرة مثلا ضد الباطن بالرأس وبلعبة صعبة قول انها صدفة !! الفريق كان بظروف صعبة ناقص ادواردو وملعب الباطن صعب ، هدفه ضد الرائد بعد التعادل 1-1 وهدفه ضد الفتح بالأحساء آخر الوقت وبمهارة ، يعني كل هذا وتقول عاهة !!
وللمعلومية ترا دياز غير من طريقته ولعب بمهاجمين 4-4-2 خربين وليو في اول مشاركة لخربين ضد الاتفاق بالدمام واعتقد ايضا بالمباراة التي بعدها لكن دياز رجع للخطة القديمة 4-5-1 لانه احس ان الفريق اكثر ثبات بها ثم وصل لقناعة ان خربين افضل من ليو وبالخطة التي بدا بها الدور الاول 4-5-1 .
وترا بالنهاية انا أطالب بخربين ومعه مهاجم محترف نفس خربين أو أفضل منه ، مدري ليش حولتوا الموضوع الى ناصر وياسر !! او ناصر و ليو !! رغم سلبية ناصر والدليل انه بإعارة ناصر حقق الفريق ولله الحمد الدوري وكأس الملك وتأهل آسيويا ، لست كاره للشمراني كما يتصور البعض لكن اتيحت له الفرص كثيرا وكان سلبي وبعيد عن مستواه مهما بحثتوا له من اعذار .