إقتباس الرسالة الأصلية كتبت بواسطة الحضاري ياخي عجيب امركم دياز يلعب بخطة مهاجم واحد وهي اكثر استقرار وشخصية وتماسك للفريق ونادرا دياز ما يلعب بمهاجمين والاستقرار على تشكيلة بمهاجم واحد تراه مهب عيب ؟؟ اغلب فرق العالم تلعب بمهاجم وحيد لكن حسب الخطة والتكتيك . ما يمنع انه يلعب بمهاجمين او خطة 4-4-2 اذا دعت الحاجة اما تطالب بتغيير نهج وخطة المدرب علشان الشمراني ؟ هذا غير منطقي أبد اتركوا العاطفة اتجاه اللاعب على جنب . الهلال وتحقيقه للبطولات وعودته ولله الحمد بدعس الفرق محليا والجام افواه جماهير الأندية الأخرى اهم من الشمراني وغيره .

أخوي الحضاري افهمني الله يرضى عليك ..
مشكلتك مندفع شوي .. وانا والله فيه نقاط أنا معك فيها و فيه نقاط اختلف معك فيها .. زيه زي أي نقاش ..
أنا ماقلت لدياز يغير خطة يلعب به الهلال من عام 2008 ههه .. حنا نتكلم عن ليو و فاعليته ..
ودياز لعب بليو و خربين بنفس الوقت بخطة 4-4-2 و أنا قلت لو لعب ناصر بدال ليو جنب خربين قياساً على تفكير دياز يوم يلعب بهم جميع ..

بالنسبة للشمراني عمره 33 سنة و لا يقدر يقدم أكثر من سنة سنتين وخلاص يطفى وبأواخر عمره الرياضي ..
بس لو يصير عمره 40 سنة يظل أفضل من ليو هههههه ..
ليو عاهة كروية تمشي على الأرض .. أنت تقول له ستايله .. أنا أقول لك ماله ستايل غير السكسوكة اللي حطها بآخر مباراة

ليو لا هو مهاجم صندوق ولا برا صندوق .. مافيه أمل يلتحم بالكرات الهوائية مع إنه طويل نسبياً ..
خوّاف وأتحداك تجيب خمس لقطات لليو يحاول يفتك كورة هوائية ( حتى قلت لك يفتك ماقلت بيسدد كورة هوائية أسهلها عليك )

ليو عاهة قدام المرمى ومابينه وبين الحارس الا ثلاثة متر مرتين بمباراة وحدة يشوتها برا المرمى .. !!

غير هذا كله مستحيل يركض أو يعدي من واحد أو حتى يكنتر الورة زي الأوادم و بطيء كنه حلزونة مهب مهاجم ..

كيف تقول بالله بعقلك تقارنة بناصر؟ .. والله إن المعيوف لو ألعب راس حربة عندي إحساس و اقتناع كلي إنه بيقدم أفضل من ليو ..


بالأخير .. دياز تراه مدرب مهب رسول والا نبي .. يخطيء عادي .. وحنا ننتقده جماهير عادي .. ويصحح خطاه عادي ..
وكونك واحد من الجمهور مايعني إن رايك مهب فني ولا خطأ .. فيه ناس أعمارهم بالأربعينات وحياتهم كورة لو هي دكتوراة كان أخذوها .. هل من المعقول أبهمّش رايهم لأنهم مالعبوا كورة أو مادربوا كورة؟
الشيء تشوفه قدامك .. ليو عاهة و دياز يلعبه عشان يمشي سوقه لأنه هو شخصياً ماقتنع به و يبي يسوقه بسوق الانتقالات لو يحطه احتياط طاح سوقه .. وخربين بآخر الموسم قدم مستوى خرافي يوم مسك أساسي ودياز عارف هالشيء ويدري إن ليو عاهة على فكرة لكنه صعّب الدوري على نفسه و تدارك الوضع بالامتار الأخيرة ..