إقتباس الرسالة الأصلية كتبت بواسطة جحفل117 شف حبيبي بالنسبه لتقييم اللاعبين من قبل صحفي يريد ان يكسب عيش لايهمني انا اتابع اللاعب منذ بزغ نجمه ولاتفوتني ولا مباراه له ولاتفوتني مستوياته بالارتفاع والانخفاض ومتابع تاثيراته ...تجي وتقول لي صحفي ...الله بحفظك انا درست بالاعلام قبل اكثر من 30 سنه ولكن لايهمني راي اي اعلامي يدور؟؟؟ سامي الجابر مافرض نفسه وهو ناشئ ان يكون ضمن منتخب الناشئين 89 الفائز بكاس العالم سامي الجابر لعب للهلال راس حربه الكوره تاتيه ع طبق من ذهب ويسجل اخفق في مركز راس الحربه وتعاقب ع مركزه مليون لاعب اذكر لك بعضهم حسين العلي و الهويدي ويشار وبصير والكاتو وسيرجيو وبهجه ودان فاييه ونضاو والعديد من اللاعبين كان ع قائمة التنسيق عام 1418 واعطوه الفرصه ليلعب وسط فكان بذيح روحه ليمرر للاعبين يسجلون ماهو حب فيهم ولكن لبضمن مركز بالفريق .....صار يقلد الثنيان بالتمرير والخداع ونجح بنسبه كبيره من يقول انه افضل من ياسر وانه اسطوره وياسر لالا اقول يالاخو ياسر عرض عليه اللعب لافضل اندية العالم مانشيستر وحصل ع افضل لاعب باسيا وهداف اسيا وسامي عرض نفسه على نادي درجه ثالثه بانقلترا ولااقتعهم ورفضوه

جحفل يعلم الله اني ادري انك من المخضرمين ..
لكنك ظلمت سامي كثير في ردك .. سامي للأمانة مالعب راس حربة صريح و أنت أبخص و أتمنى تراجع ذاكرتك ..
سامي يلعب كمهاجم ثاني .. لعب مع صفوق التمياط في بداياته ..
وتزامل مع المهلل في المنتخب بنفس المركز .. وكان احتياطي لحمزة إدريس و ماجد عبدالله في بداياته ..
سامي ماجاه مثل ماجاء ماجد .. اللي كانت تشكيلة المدرب تبنى عليه .. والمنتخب كان يخسر بس أهم شيء ماجد يسجل ! ..
ماجد لعب أساسي وحيد و الكور تجيه على طبق من ذهب .. ما أذكر ماجد سجل هدف من برا الثمانطعش هههه
بينما سامي صنع أهداف كثيرة كمهاجم ثاني .. يكفي هو أفضل صانع لعب سعودي بكأس آسيا ب6 صناعات ..
سامي سجل في نهائيات آسيوية .. وسجل في نهائيات محلية .. وكان نجم يفرق كثير في مباريات دق العظم ..
كيف تقارن لاعب يلعب مهاجم لحاله و الخطة تبنى عليه . .بلاعب تخاشر معه المركز أكثر من مهاجم ؟
سامي لعب هو والمهلل .. ولعب هو وعبيد .. ولعب هو وطلال المشعل .. وقائمة تطول ..
ماكان المهاجم الصريح للمنتخب طوال تاريخه .. حتى في أواخر تاريخه كان يلعب خلف ياسر و مالك و سعد ! ..
سامي أكثر لاعب سعودي استبدل بتاريخ المنتخب .. وارجع لموقع الاحصائيات ..
مع هذا سامي كان له اليد الطولى بعد الله بتأهل المنتخب لكأس العالم 2006 ولا احد ينكر دور سامي الأساسي بهالتأهل بوجود غيره
وسامي جاب لك الدوري 1418 بمجهود شبه فردي و توفيق من الله .. والمباراة تلفظ أنفاسها الأخيرة ..
سجل بالسوبر الآسيوي ذهاب و إياب .. و سجل هدفين بالأهلي كانت أغلى أهداف الموسم و بجدة و جاب لك البطولة

سامي يفرق كثير بالمباريات الكبيرة لحماسه وحبه للفوز ..

لكن ماجد اللي تدافع عنه عطني أرقام له تخليني أقول يفرق عن أي لاعب ؟
والله اللي قدمه فؤاد أنور للمنتخب أفضل مليون مرة مما قدم ماجد ..
سعيد سجل هدف براس أهداف ماجد كلها ..
مرزوق العتيبي هداف القارات مشاركة مع لاعب ثاني و سجل هدفين في البرازيل في بطولة رسمية ..
ياسر القحطاني حقق هداف بطولة آسيا و أفضل لاعب فيها ..

عطني مباراة كان ماجد فيها سبب بتأهل بتحقيق المنتخب بطولة ؟ ..
أو تصفيات كاس عالم كان ماجد هو بطلها ؟
عطني بطولة آسيوية ماجد حققها ماجد بدون مايكون نجمها لاعب وسط أو دفاع أو حارس ؟!

ماجد لحقت عليه و لاعب أنا اعتبره ممتاز لكنه منفوخ لين بغى ينفقع ..
حتى الجماهير الهلالية تأثرت بالجماهير النصراوية وصارت تعطي ماجد أكبر من حجمه ..

بينما بالأرقام و بالمباريات الكبيرة .. ماجد غاطس تحت الأرض