مع احترامي لكل اللي أقحم اسم ماجد ..
كيف تقارن ماجد بسامي ؟ .. والله و تالله بدون تعصب وبكل حيادية ..
ماجد صنيعة الأعلام و الأمراء وسطوتهم .. لقاله جماهير أنتم تعرفونها تقدّس اللي ماينتدقّس ..
الجمهور النصراوي بالسابق لا يقل هبال عن الجمهور النصراوي الحالي .. وهذا للي أعطى ماجد سطوة على غيره في عصر الجرايد ..

أنا عاصرت ماجد .. لاعب كان ممتاز و أسطورة لفريقه لكن لم و لن يصل لأسطورية غيره ممن خدموا المنتخب ..

بحثت بالإحصائيات .. حصلت ماجد أكثر لاعب سعودي في خط الهجوم تمت مجاملته ..
تخيلوا لعب 119 مباراة دولية .. منها 118 مباراة كأساسي .. !!
تخيلوا في عصره تحققت الإنجازات بأقدام غيره .. ! ماكان له أي رقم حصري مع المنتخب نهائياً ..
تخيلوا الثنيان و الهريفي لاعبي الوسط لهم نفس عدد أهدافه في آسيا بمجموع 4 أهداف ..
تخيلوا سامي في آسيا صنع 6 أهداف .. متفوقاً على مجموع ماسجل ماجد .. مع العلم سامي سجل هدفين و صنع ستة ..
سامي الجابر أكثر لاعب سعودي استبدل في تاريخ المنتخب .. ويقولون واسطة !!
سامي الجابر حقق هداف الدوري 1410 ولعب أساسي كمهاجم بالمنتخب عام 1415 ( بعد كأس العالم 94 ) .. وين الواسطة؟
تخيلوا في عصر ماجد اليابان ماكانت تشارك و شاركت في أول بطولة الظاهر عام 1988 إذا مانب واهم ..
تخيلوا هدف ماجد على الصين كان هجمة مرتدة وماعدّا الا من لاعبين و الحارس و الملعب الصيني فاضي بسبب تقدم منتخبهم لتعديل النتيجة ..
تخيلوا هدف شايع النفسة بنفس المباراة أجمل بمليون مرة من هدف ماجد و ارجعوا لليوتيوب وشاهدوا هدف شايع ..
واغلبكم مايدري أصلا إن شايع سجل هدف التقدم ..
لكن الحين شف من اللي غاثينك بهدفه بالتلفزيون .. شف الدور الإعلامي بترسيخ فكرة إن ماجد كان له الدور الأكبر بالبطولة !! ..

مع ذلك ماجد حقق هداف الدوري ست مرات بوجود أمراء النصر وافهمها يافهيم .. ( وبدون اللاعب الأجنبي ) ..


كيف تحط ماجد جنباً إلى جنب مع يوسف الثنيان و محمد نور؟ .. اللي كان لهم دور فعلي في بطولات فرقهم و المنتخب؟؟؟

واللي يقول يوسف الثنيان اختفى ذكره و بقي ماجد و سامي .. تكفى أنت تعرف إن الاعلام حريص على ماجد بالحيل .. والنصراويين عارف عقليتهم ماعندهم غير ماجد و انجازاتهم المزعومة كانت بعصر ماجد طبيعي تبي تسمع اسمه كل يوم وهذا اللي اتكلم عن بخصوص الاعلام اللي طلّع ماجد السماء بالسابق و حالياً ..

يوسف الثنيان الكل يعرف اسمه .. لو تهرول و تسحب بواحد قالوا لك مسوي نفسك يوسف الثنيان
يوسف ظاهرة كروية لن تتكرر أبداً .. طفرة جينية .. حدث لا يحدث الا كل مئة سنة ..

أما نور .. فهو و ان اختلفنا مع ناديه .. لكن يبقى اسطورة حية حقق مالم يستطع غيره تحقيقه .. يكفي أوصل فريقه لكأس العالم بمجهوده وقيادته وحماسه و أهدافه وصناعته .. وحقق كاس اسيا مرتين وكان لاعب يقلب الموازين في أي وقت ..