كل الأحداث اللي ذكرتها والله إني أذكرها كنها أمس ..

من كثر مايرددونها .. الجيل الجديد حس فعلاً إنها أشياء كبيرة و الهلال ظلم هالأندية ..
مع إن الهلال انظلم ألعن من يد النزهان اللي أشغلونا فيها ..
والركني الإتحادي أساساً كان قبله فاول للهلال و اللقطة موجودة على اليوتيوب ..

هذا كله كوم .. و إلغاء هدف خميس العويران الصحيح من عمر المهنا .. وشطب النعيمة بنفس المباراة مدى الحياة ..
وثم تغاضي عمر المهنا ( نفس الحكم اللي النصراويين يقولون يحابي الهلال و هو من عرفته نصراوي صميم ) عن بلنتي الكاتو ..
بلنتي الكاتو فضيحة أكبر من لقطة يد النزهان اللي الكورة بالأساس لمصلحة الهلال + فاول على باسم اليامي ..
وحتى لو سلمنا إنها ركنية صحيحة للإتحاد بدون خطأ على باسم اليامي .. الكورة سريعة و بالإعادة يالله تشوف يد النزهان ..

والله يافيه مباريات كان فيه مجازر لحكام محليين ضد الهلال .. و لمصلحة أندية منافسة .. أكبر من اللي أشغلونا بها كل هالسنين ..
يكفي النصر قبل سنوات قليلة كان ريان بلال يلعب كرة يد و الحكام طناشة ..
لاعب النصر المحترف المصري حسام غالي قدام الرائد على ما أذكر لمس الكورة بيده 3 مرات و عدلها وثبتها وسددها ..

ترى اللقطات ذي موجودة على اليوتيوب .. يعني اللي يبي يتفرج يلقاها عادي ..

ذبحونا بسالفة أبو زندة وهي والله لقطة عادية تصير بكل العالم .. ناهيك إنها بالأساس فاول للهلال قبل الركنية .. وفاول للهلال بعد الركنية ..
ماردونا جاب كأس العالم بيده .. هنري صلح كورة بيده تأهلت فرنسا بعدها ..

على العموم .. ناديهم الأصفر هو سبب التعصب الرياضي .. وهم أول من تبنّى فكرة إرهاب الحكام و اللعب من تحت الطاولة ..
وكلنا نتذكر سالفة جاسم الياقوت يوم اتهم النصراويين بممارسة السحر .. وتسحيبه بالمحكمة لين طلع وقال أنا مهبول أتسذب
ارهاب مابعده ارهاب ..