إلى الهلال وسيبقى بالهلال إن شاء الله ..

أقدر غضب البعض على سلمان الفرج وأقدر غضب سلمان على نفسه .. سلمان الفرج والله لا أعرفه ولم أقابله يوما .. لكن أعرف الكرة وأعرف اللاعب الموهوب واعرف اللاعب المجتهد واعرف لاعب شوط وينتهي ..

سلمان طريقة لعبه تنرفز ترفع الضغط .. لكن مشكلة سلمان أنه ما يبي يخلص كره وبس لا سلمان مشكلته لازم يبدأ الهجمة حتى ولو هدى رتم اللاعب المهم ما تطلع الكره منه إلا بطريقة سليمه وتسليم صحيح .. والمشكلة هذا مطلب المدربين (أقصد المدربين يقدرون اللاعب من هالنوعية هذه)

هذا الأسلوب في المباريات القوية واللي فيها ضغط عليك من منتصف ملعبك تشكل عليك خطوره وتسهل قطع الكره من سلمان مع الضغط عليه .. تماما مثل ما شفنا سلمان قدام اليابان وقبلها قدام لخويا والعربي القطري وغيره من المباريات خصوصا لما يلعب سلمان في المحور .. وكان هذا لعب سلمان من عرفناه حتى لم كان يلعب بخانة الظهير الأيسر بداية بروزه .. لكن اكثر من عرفنا على سلمان هو دونيس لأنه لعبه محور وخلاله بالمحور لحاله .. مهمته قطع الكور ثم بناء الهجمة .. وهذه كانت القشة اللي قصمت فيها الجماهير ظهر سلمان ..

حالياً أجزم أن سلمان لن ولم يفكر أصلاً بمغادرة الهلال إلاَّ (خارجياً فقط) .. "والله يكفينا شر وكيله" ... لكن سلمان عاشق متيم بالهلال وليس مجرد محترف .. نعم حصل شد بينه وبين الجماهير ... لكن حتى هذا الشد والجذب لو رجعت له لوجدت أنه بين مشجع ورد عليه مشجع .. فكان سلمان يرد بلسان المحب للهلال والغيور على هلاله ..

للاسف بعض الجماهير شخصنت تلك الردود وصارت نقطة سوداء تقدم ضد اللاعب .. سلمان لم يتغيب عن الهلال يوماً لم يترك الهلال يوماً من أجل أي سبب بل على العكس من عرفه وسأل المقربين منه يجده رجل ملتزم مع ربه ومع أهله ومع النادي ..

حالياً هو يعتقد أنه ليس بأقل ثمناً ممن يستلم أعلى مرتب وهو ملازم "لكنب معسكر النادي" عزوز .. وحقيقة عبدالعزيز الدوسري أمره غريب والأغرب موقف وكيله اللي أزعجنا وأزعج الإدارة ... رفض تطوير مستواه أو التعامل بأهميه مع الفريق وبنفس الوقت يطالب بمرتبه الشهري العالي ويرفض حتى تخليص النادي من عقده ببيع عقده .. يعني لا رحم ولا خلى رحمة الله تنزل ..
وللأسف وكيله يتعامل مع الموقف بمكر والكل يحمل الإدارة السبب .. وما يدري أن علي الرماح وكيل فقط وقت الفلوس وتعجيز المفاوضات وإلا البحث مع موكله لتطوير مستواه وتقديم نفسه بشكل أفضل هنا لا يمكن علي الرماح يكون له أي دور !!؟؟

وبعد كل هذا نجي ونحط حرتنا بـ سلمان!!!