إقتباس الرسالة الأصلية كتبت بواسطة go hilal go من رأيي ان كرة القدم ليست بذلك العلم الذي يتطور الى الابد . وصلنا لمرحله خرجت فيها جميع الخطط والطرق المحتمله .. وكل فريق سيلعب بحسب مالديه من عناصر فردية ام جماعية يعطيك العافيه

يعافيك ربي .. لو كلمتك هاذي "وصلنا لمرحله خرجت فيها جميع الخطط والطرق المحتمله .." قالوها في الثمانينات ممكن نقول صح

بس في السنوات الاخيره صار كل مدرب يجيب شي جديد ..

انترميلان مورينهو 2010 .. سوى شي ممكن ما كان معروف من قبل

اللي هو "الفخ"

يلعب و يهجم بأقل عدد و يسوي اللي يبغاه في المباراه بس في الدفاع لا .. في الدفاع فيه انضباط ممكن يكون مو واضح عندك و عند كثير من الناس

و "الفخ" يعتبر سر من اسرار مدربين كره القدم و اعتقد مفروض ما اتكلم فيه

بس ب اشرح شوي منه و اللي كان يطبقه مورينهو انتر2010 ..

كان في حاله الدفاع .. يبدأ بالاجنحه اللي هم ايتو و بالوتلي

طريقه دفاعهم هو سر دفاع انترميلان مورينهو

كان ايتو في الجناح الايمن .. و بالوتلي في الجناح الايسر

و ثلاث لاعبين وسط عمق .. زانتي و كمبياسو و موتا

طريقه الدفاع كانت بالضبط كذا ..

اذا الخصم هجم من الجهه اليمنى اللي هي جهه ايتو "الجناح الايمن" كان ايتو ما يضغط و ما يراقب

كان الدور اللي يسويه بالضبط هو "يوقف في مكان الطرف يجبر حامل الكوره انه يتجه للعمق" ثم بعدها يبدأ بالضغط

و اذا الخصم هجم من الجهه اليسرى اللي هي جهه بالوتلي "الجناح الايسر" كان بالوتلي ما يضغط و ما يراقب

كان الدور اللي يسويه بالضبط هو "يوقف في مكان الطرف يجبر حامل الكوره انه يتجه للعمق" ثم بعدها يبدا بالضغط

و نفس الدور مع الظهير الايمن و الظهير الايسر .. الدفاع عن الطرف اللي يجبر حامل الكوره الاتجاه للعمق في حاله المراوغه

و مع الطريقه هاذي نجح في تقليل الخطوره على دفاع الانتر .. لو تلاحظون ان الفرق اللي تقابل انترميلان مورينهو كان عدد العرضيات عندهم في المباراه قليله مره

و الخطوه الثانيه تكون مع ثلاثي الوسط العمق بالمراقبه اللصيقه .. اذا لاعب الخصم حامل الكوره اتجه للعمق ما يلقى زميل بدون مراقبه فيضطر انه يرجع الكوره للخلف او انه يراوغ و هاذي تصعب مهمه الاختراق

بكذا نجح مورينهو بالانضباط اولا ثم بالسر هذا اللي هو "الفخ" انه يوصل النهائي و يفوز و ياخذ بطوله ابطال اوروبا

لو تعيدون كل مبارايات الانتر عام 2010 تلاحظون ان كل مباراه يلعب تكون ب سيناريو واحد طيله ال90 دقيقه

"الخصم يحاول يخترق الاطراف و ما يقدر ثم يتجه للعمق ثم يمرر بالقوه او يحاول يراوغ و تنقطع او يسدد من بعيد و تنتهي المباراه و مورينهو تحكم بالمباراه كامله"

هذا سر دفاع مورينهو و طريقه الفخ ..

و كل بعد فتره يطلع لنا تفكير جديد

و شكرا على وجودك