أنا أستغرب كثير من الجماهير إذا لاعب بزوط و لوى يد النادي يقولون تكفون لا يروح !
يا رجال أي واحد ما يبي يجلس بالنادي يمشي ..
اللي خلى سلمان الفرج نجم و يتطور مستواه هو الهلال و جماهيريته .. وإلا هو مثله مثل فهد المبارك الله يذكره بالخير ..
حنا صرنا نقيس نجومية الشخص بسمعته إعلامياً مهب على عطاءه .. وهذا اللي خلاك تتوهق بلاعبين ( اسم ) فقط ..
أي لاعب في بداياته يقدر يقدّم مستوى عظيم .. لكن هل يستمر؟
سلمان لو رحل عن الهلال بيجي مكانه واحد بمستواه أو أكبر من مستواه .. ويمكن يستمر على نفس المستوى
سلمان كنت من أشد المعجبين فيه و كنت أشوفه الحاضر و المستقبل .. لكن اللاعب واضح إنه قصة عزوز الدوسري ثانية ..
بيصك عمره الثلاثين و حنا نقول نصبر عليه نصبر عليه .. وهو قاص ميزانية النادي قص ..
لو الإدارة رضخت لمطالبه المبالغ فيها .. بيطلع لك لاعب ثاني بيقول سلمان أحسن مني بإيش ؟!
لكن لو رحل سلمان بيصير امتداد لرحيل نجوم من الهلال و لا تأثر الهلال فيهم و يمكن تأثيرهم كان أقوى من سلمان ..
خميس العويران و أحمد الدوخي على سبيل المثال .. و أحمد الفريدي مثال ثاني قريب ..
هل تأثر الهلال ؟ .. لأ .. طلع بدالهم نجوم ثانين ..

أجزم لك لو السواط لعب مكان الفرج بيقدم مستوى ينسيك الفرج .. خلاص الفرج بعز عطاءه قدّم لنا .. والآن بيتشرّط و يتسحّب الملعب و يحس إنه ميسي زمانه .. فكنا من مطرسته وخله يروح لو بغى للنصر .. وتأكد إن كاريزما النادي هي تصنع النجم ..
ولو سلمان لعب مثلاً بالفيصلي مع احترامي لعشاقه .. هل بيكون له نفس الاسم ؟ .. بنفس الامكانيات و بنفس الظروف .. لأ

لو جلس بالمبلغ اللي تعرضه عليه الإدارة .. حياه الله .. ابن من أبناء النادي .. و إن بغى الدراهم .. يلقاه عند غيرنا