السلام عليكم ورحمه الله وبركاته مساكم الله بالخير يازعماء
نعم مثل ماتشوفون العنوان فيه شخص بيسدد ديون النادي وزد عليها بعد بيعطيهم شيك مفتوح حطو الرقم الي تبونه
تتدرون منهو (أنتم )
يالي تنتقد وتحلل في المقاهي والاستراحات ياخي والله عيب الى الان ما دعمنا الادارة بشي الخمس سنوات الي طافت جماهير الانديه الاخرى تفلل الملعب في التمارين والمباريات الوديه وإذا بدا الدوري تعال شف خمسين ستين الف ومباريات مع فرق ضعيفة بعد ونادينا الي له حق علينا ومديون ونبي لعيبه ومحترفين على مستوى عالي
وحنا في بيوتنا ..لا تعليق..
المشكلة اغلب جمهورنا الغالي انجرف خلف تيارات ضد لعيبتنا وضد الحضور لأنهم يعلمون قوة الزعيم في حضور جمهوره ومؤازرته له
انا ساكن جده جميع مباريات الهلال في الغربيه احضرها وزد عليها المباريات المهمة في الرياض الديربي والكلاسيكو ما افوتها وانا في داخلي ماني مرتاح للنتيجة بس احضر
الغريبه اغلب جمهور الهلال في الوسطى ضعيف دايما في ملاعب الرياض ألقي جمهور من المدينة ومن الشرقية ومن الشمال والقصيم
من اليوم ورايح يد بيد على جميع مباريات الهلال الملكي في جميع الملاعب ما نبي مباراه الا تكون فل
وسامحوني على الأسلوب لكن من حرقتي على النادي حرام جمهور عظيم في كل مكان وما يحضرو ويساندو الفريق ومنها دعم غير طبيعي
لخزينة النادي
وسترون ان شاءالله انطباعاها على الفريق بحول الله وقوته.....