طيب انتو ليش دايم تحطونها بالمفاوض الهلالي وكأن كل الخلل عندنا


ع اساس لو راح المفاوض وقدم عرض ع طول بيوافقو !!!!

ياعالم
لمتى تعرفو ان هناك اكثر من طرف بالمفاوضات

هناك غير الطرف الهلالي ، فيه :-
1- نادي اللاعب ( تشمل مجلس. الاداره كامله )
2- وكيل اللاعب
3- اللاعب

يعني ليش ماتقولو فشل المفاوضات من احد هذي الاطراف ليش تتهمو ان الخلل دايم من عندنا

اولاً انتو عارفين ان الهلال نادي فرصه لاي نادي ثاني لتسويق لاعبه او لكارهيه

ثانياً الهلال لما يفاوض لاعب معين الانديه تحسب ان الهلال مؤسسة النقد بكبره
تطلب مبالغ خرافيه في لاعبين لا يستحقون ربع تلك المبالغ وبعدها لو اللاعب فشل
تجو تقولو معقوله هاللاعب ياخذ مبلغ بالقيمه هذي وهدر اموال وووو من الكلام نسمعه دايم !!!!

وعلى تسريبات الصفقه
ايضا مسئوله عنه الاطراف الاخرى
اذا فاوض الهلال لاعب معين النادي المقابل يبي يرفع قيمة عقد لاعبه بتسريب الصفقه عشان الهلال مفاوضه
ويدخل المخربين للصفقات مثل ماحد مع الجبرين النصر دخل وهو مايبي اللاعب بس دخل ودفع قيمة فلكيه للاعب لاجل التخريب ،
قد يكون وكيل اللاعب اللي خرب الصفقه برفع سعر اللاعب عشان يستفيد
قد يكون اللاعب نفسه
قد يكون احد اعضا مجلس ادارة النادي اللي يملك اللاعب
قد يكون هنالك اطراف اخرى تريد افساد الصفقه بأي شكل من الاشكال


هذه كلها اطراف واسباب قد تكون سبب في فشل المفاوضات

ليش دايم تتهمو اللي عندنا مايفهمو ولا مايعرفو يشتغلو وانتو اساسا ماتعرفو مين السبب الاول
ليش دايم تضغطو العالم باتهاماتكم اللي مادري من فين تخترعوها !!!!

جيب دليل واحد ع اتهامك ان السبب في فشل الصفقه طرف هلالي
ودليل مادي ماهو بس كلام


ياعالم لاجل الله اتركو الاداره تعمل بصمت وبهدوء وراحه من غير ضغوطات

عندك اقتراح قدمه عندك شي تنفع فيه النادي قوله

اما انك توزع اتهامات وشتايم واهانات هنا وهناك تكفى لا
هذا الكلام عام وليس موجه لشخص بعينه