إقتباس الرسالة الأصلية كتبت بواسطة جحفل117 تدرون وش مشكلة سامي والا كان كلنا نكون معه انه يوضع بمكانه لايستحقها وهذا لاينطلي الا على السذج من الجماهير شوفوا قصته باسردها لكم تقريبا من الالف للهاء ماجد برز مع فريقه والمنتخب وصار هاللاعب سلطه علينا ( نجم بفريقه والمنتخب مافيه طب ) وكل نباراه الا يسجل فينا هدف او ثنين رغم وجود عندنا عتاوله بالدفاع النعيمه والبشي والمحور القحطاني والله كان الدكتور القحطاني يكلبشه زين حنا بالهلال عندنا ابن نصيب لكن ماهو بمستوى ماجد واعتزل بداية الثمانينات وحنا كل شوي نجيب راس حربه نقول هذا على كلام الصحافه هداف وافضل من ماجد هذال وجازع ومشاري العويران حتى جت سنة 90 وجابوا لاعب صغير هداف دورة مارس للناشئين سامي والصحافه حقتنا الجزيره والرياض الان وجدنا ضالة الهلال وحنا معهم نكذب على انفسنا ..المهم في تلك السنه سجل 10 اهداف وباقي مباراه وحده مع الرائد وماجد مسجل 13 هدف وباقي له مباراه ....الرائد هابط من الجوله الماضيه وجو للرياض بدون نفس وبالاحتياط وصاروا اللاعبين ويالاخص الثنيان يهيئ كور لسامي بس ينفخهن بالقول وسجل سامي 6 من اصل 8 واخذ الهداف وبدات صحافة الهلال الناشئ سامي يتفوق على ماجد ويحصل على اللقب ...هو يمكن صدق انه يتفوق على ماجد ...هم الان ورطوا سامي وورطوا انفسهم لان افضل لاعب هلالي هو الثنيان ....هنا بدا يزعل اغلب الهلاليين كيف يكون سامي الافضل حتى سامي يعرف هالشئ ان الثنيان لايقارن باحد وممكن يقتنغ حتى بعض النصراويين بافضلية يوسف على ماجد جت مشاركات المنتخب في كاس العالم 94 و98 و2002 و2006 وشارك سامي فيها كلها وماجد والثنيان صاروا كبار من 94 وصل الثنيان لسن 31 وماجد 37 ....والثنيان حصل له توقيف وشارك فقط ب98 وهو كبير...طبعا ماجد والثنيان سطروا ملاحم ابداع في سنغافوره وقطر ومن سنغافوره حصلنا ع كاس اسيا وتاهلنا للاولمبياد كان نفس طريقة كاس العالم الفريق الاول يشارك وبدات صحافة الهلال تتغنى بسامي انه شارك باربع كؤوس عالم ومسجل اهداف .....طيب انتم بمدحكم لسامي نسيتوا استاذه ومعلمه ومن له الفضل بعد الله عليه في تالقه الثنيان وصار المدح لسامي ومقارنته بماجد وتطنيش ابو يعقوب هذا هو مربط الفرس ولا يمكن نقبل اي لاعب يفضل على ابو يعقوب للان امه ماجابته اللي يتفوق على الثنيان ( انا اتمنى تتركون المقارنه فالهلال كفريق مكتسح النصر بالضربه القاضيه ولا نحتاج نقارن سامي بماجد لان ماراح احد يقتنع ومنها يكسبون الرهان ...الخال ذاك مابه طب كهداف )

اخي الكريم
لن يفهم هذا الكلام الا من عاصر الزعيم في تلك الفترة
جيل يبني اراءه على مايكتبه فلان او علان او على مقاطع اليوتيوب بدون ان يكلف نفسه عناء مشاهدة مباراة واحدة كاملة ليعرف كيف كان الهلال وكيف هم لاعبوه
لو تقول لاحدهم بنتعاقد مع لاعب على مقاطعه من اليوتيوب او حسب مدح الاعلام قال لا لازم نشوف له كم مباراة وحين يتعلق الامر بماجد وسامي والثنيان وعبادي الهذلول والتيماوي ومحيسن ودابو والغشيان وهذال الدوسري وسعد مبارك وغيرهم فهو يبني اراءه على مايكتبه الاعلام او مقطع هدف في اليوتيوب
شخصياً لم اكن اتخيل النزول لمستوى اثبات ان الشمس تشرق صباحاً وان الثنيان لايعادله في قيمته الفنية اي لاعب في اسيا باكملها وليس الهلال فقط لكن تفاجأ بجيل يسيره اعلام مرتزق يزور التاريخ لمصالح شخصية وعلاقات مشبوهة حتى اصبح الامر عادي ان يختفي من اولويات النجومية في الزعيم مؤسسه عبدالرحمن بن سعيد ونجوم مثل الثنيان والنعيمة وعبادي الهذلول وسلطان مناحي وفهودي ومبارك عبدالكريم وصولاً الى الشلهوب الاكثر انجازات على مستوى الخليج
اصبحت الحقيقة مرة وحين تكتبها فأنت تكره فلان ولاحول ولاقوة الابالله بمعنى انك اذا لم تزور في التاريخ وتكذب فأنت تكره صاحب المعلومة او تكره من تدور حوله المعلومة المغلوطة