إقتباس الرسالة الأصلية كتبت بواسطة attac لو الكلام صحيح اتمنى رجوعهم اما شغل العواطف من عافنا عفناه هذا يا حبيبي خلها بحياتك الخاصة مصلحة الهلال فوق اي اعتبار

وش المصلحة اللي برجعوهم ؟
السواط حالياً بمستواه لو أعطي الفرصة والله ثم والله أفضل من الفريدي بعزّه .. وأنا شفت مباريات للسواط ..
إنسان خرافي مبدع أستغرب عدم ضمّه للفريق الأول ..
بالنسبة لهوساوي .. مستواه ممتاز .. لكن مصلحة الهلال تقول إنه مايجي ..

مصلحة الهلال مهب بس إن اللاعب يرجع والا مايرجع .. مصلحة الهلال في اللاعبين الحاليين إنهم مايفكرون يتركون النادي ..
لما لاعب هلالي حالي يشوف مصير غيره من اللي تركوا النادي .. يقول لا يابوي خلني في الهلال أريح ..
هنا تجي المصلحة الهلالية بعدم ضم اللاعبين اللي طلعوا من النادي بشكل مخزي مثل الفريدي و هوساوي ..

أما غيرهم فعادي يرجع .. نيفيز راح ورجع .. ويلهامسون راح ورجع .. شيء طبيعي لاعب يطلع ويرجع ..
لكن الغير طبيعي لاعب يسحّب بك و يهينك و يضحك عليك ويترك النادي في حاجته .. ويرجع بعد ثلاث سنوات
هنا مصلحة النادي إنها ماترجعه لو يلعب ببلاش .. لأنه راح يأثر مستقبلاً على الهلال و على مفاوضات الهلال مع لاعبينه ونجومه