كنت البارحة بصحبة اربعة من الجمهور الواعي والغيور نشاهد مهزلة الهلال في بطولة اسيا، حيث اجمع الحاضرون ان مستوى الهلال في انحدار وذاهب الى طريق مجهول.
قال الاول: هل تعلمون ان الهلال اصبح بلا طعم ولا رائحة، لا لعب ولا تكتيك، اول مرة اشوف الهلال يلعب بخمسة مدافعين، من متى والهلال يلعب بخمسة مدافعين، لو انا مكان دونيس لسحبت المدافعين وبدلتهم بخمسة مهاجمين، كل ما تهاجم بلاعبين اكثر تسجل اكثر، اساساً الي يدافع ما هوب رجال.
قال من بجانبه: لماذا اساسا نلعب بخالد شراحيلي كحارس، المفروض يجبره يشارك كمهاجم ونستفيد من طوله في الرفعات، الهلال لو يهاجم ما راح احد يتجرأ يهاجمه، ولو حدث وصارت هجمه كواك موجود، رقبته طويله بس يمدها و براسه يصد الكور.
قال ثالث: بصراحة دونيس من شكله ما ارتحتله، تحسه من وجهه فوال يماني متنكر بفيزة يوناني، بس لو يهتم بشكله ويلبس ماركات مثل الحلو كنفارو الذي يكفيك منه ابتسامته الحلوة تصلح دعاية لمعجون اسنان، او الفقيدة ريجيكامب الله يرجعه للهلال، يوم كشخ بالثوب والشماغ وصلنا لنهائي اسيا، رزته رزة شيخ ولو جاك في بيتك انك تحطه في صدر المجلس.
قال الرابع: الله لا يوفق الهلال في المباراة القادمه امام النصر، يا خوفي انه يفوز و يزيد حب دونيس عند جمهور الهلال و شف ذيك الساعه من يقدر يقنعهم انه سيء، المدرب هذا من جاه للهلال وهو راجع للبطولات، لكن حتى إن فاز بالعشرة و حقق بطولة اسيا بلا خسارة راح استمر اشكك فيه حتى تطرده الادارة ونرتاح من شره.