إقتباس الرسالة الأصلية كتبت بواسطة عذب السجايا اخي الكريم يجب الاخذ في الاعتبار امور هامة حتى يكون النقاش منطقي * المباراة منقولة * المباراة ودية * الاستاد بعيد جداً عن وسط المدينة فمابالك بالأطراف الأخرى للمدينة * الطرق من والى الاستاد كلها تحويلات او مغلقة هذا خلافاً للزحمة الكبيرة في الطرق الرئيسية كالدائري وطريق الملك فهد * الوضع في الملعب غير مريح من ناحية الخدمات * توقيت وضع مباراتين وديتين في يومين متتاليين فكرة غبية ارهقت اللاعبين والمدرب والجمهور وكان الامر مقبول لو كان الفيصلي جاي من قارة افريقيا ومجبورين نلعب معه وهو في الحقيقة لعب قبل يومين مع النصر وكان الافضل اما تقديم الفيصلي يومين او تأخيره بعد الفريق الفنلندي بيومين * توقيت المباراة بصراحة سيء فلا هو العصر ولا جعلوه بعد العشاء يعني اذا بتحضر ضاع اليوم كله رغم انها ودية ومع ذلك كله لاانكر ان جمهور الرياض هو الاقل حضور من بقية المناطق

المباراة كانت بالملز ( بقلب الرياض )

ثانياً هذي عادات جمهور الرياض من خمس سنوات واكثر خذلان فريقهم دائماً
يطالبون ويتبطحون بالاستراحات ومن ثم جاك يطالب وذا حضر يضغط فريقه بدل مايدعمه

احد نكسات الهلال بالسنوات الاخيره هيا جمهوره بالاخص جمهور الرياض ، جمهور مسوي ضغط ودوشه وصداع وبالاخير مايحضر واذا حضر يتمنن على النادي بحضوره

اول قالو الملك فهد بعيد وبعدها الاجواء حاره وبعدها بارده اختبارات والحين اجازه متى بتحضرون ؟؟؟
الملعب بالملز قريب والاجواء كانت حلوه ماهي بذيك البروده ايش السبب مادري

ولا يصايحون ع الاداره يقولو ليش يطلبون ان تلعب مبارياتهم بالملز بدل الدره ، انتم تحضرو بالاول ؟؟؟

والله متوقع واصبح عندي يقين تام اي مباراه للهلال بالرياض ماراح يتجاوز 30الف وبعد ماعتقد راح يوصل للرقم ذا

اذا جات الخصخصه اتمنى من مشتري النادي نقل مقر النادي بجده ( جمهور الغربيه ) لبى قلوبهم جمهور يبرد القلب يملى المدرجات فل تحس انه ارض الهلال

اما جمهور الرياض انا غاسل يدي منهم مامنهم غير الكلام بس