ارى دونيس مدرب محنك ويستخلص ويخرج الروح من اللاعبين

مدرب صارم الاجهز لكل مباراة هوا اللي راح يبدا فيه ومايخدم خطته
مدرب جعل كل من اللاعبين يسجلون ماعدى الحراسه الكل يصنع الكل يهاجم الكل يدافع
فريق گقلب واحد روح وحده يد وحده

بالنسبه للطريقه او التشكليه اللي ينتهجها دونيس
اشوفها من افضل واروع الطرق بالعالم
وكان يستخدمها جوارديولا بالبرسا والبايرن للان

ليش افضل طريقه ؟
اولاً طريقة سلسه تعطيك خيارات كثيره وحلول اكثر في تغييرات المراكز بدون مايكلفك ورقه تغيير لاعب
اللي يتابع مضبوط كريري لما وضع مدافع ثالث اغلب وقت كريري في نص ملعب الهلال مايتجاوزه
يلعب محور ودفاع وهمي وقت هجومنا يتقدم ليساند الوسط وفي حالة الارتداد تلقاه مشكل رأس مثلث مع قلوب الدفاع

هذي الطريقه تعطي حريه للاظهره للتقدم مع ضمان الساتر الدفاعي
وفي حال قرر اللاعب بمهاجمين يسحب لاعب واحد فقط من الوسط او المحور وتصبح الطريقه 4-4-2
الخلاصه طريقة اللي يلعب فيها دونيس مرررنه جداً تعطيك اكثر من حل
اسالكم بالله مع هذي الطريقه كم حل فكرتو فيه ان يقدر دونيس انه يسويه مع ثلاث تبديلات

الطريقه هذي الهلال اصبح فيه اقوى هجوم وثاني اقوى دفاع
واصلا لو تلاحظو اغلب الاهداف اللي ولجت مرمى الهلال اخطاء فرديه من اللاعبين وليس خطاء تكتيك مدرب مثل ماكان يحصل ايام ابو عبدالله ( سامي ) اغلب الفرق كانت تلعب ع الهلال كرات ساطقه خلف المدافعين اولاً لتقدمهم ثانياً لبطء اللاعبين وقتها

مع الطريقة هذي نسينا شي اسمه اللعب ع مصيدة التسلل عشان اعطي حريه لتقدم الدفاع والمحور لمساندة الوسط نسينا هالطريقه ابداً

لوجود ثلاث ساتر دفاعي مع سرعة سالم والفرج والبريك والشهراني وادوادو لمساندتهم وقت الارتداد


اشوف دونيس ماشي صح الصح
بس مجرد اقتراح اتمنى دونيس ان ياخذ ناصر واللااعبين اللي ما اخذو فرصه انهم ياخذوها بكاس ولي العهد انهم يلعبو مباراة كامله
لها فوايد كثيره منها تجهيز اللاعبين واراحه بعض اللاعبيين لان الدوري واسيا ماينفع فيها التدوير
وبعد تجهز كل اللاعبين عندك وقت ما احتجت احد بالدوري تلقاه جاهز هذا اقتراحي
واتمنى ان ياخذ بعين الاعتبار