أسعد الله أوقاتكم بكل خير
هاردلك على الخسارة من منافسنا المباشر وأبارك للأهي الفوز المستحق في المباراة مدربهم ذكي عرف كيف يتعامل مع المباراة وياخذها مننا بسهولة وذلك بمباركة المدرب دونيس وبعض اللاعبين المنخفض مستواهم اللي مع الأسف مايستحقون يلبسون شعار الهـلال
الهدف الأول للأهلي عبد العزيز الدوسر مباراة بعد مباراة وموسم بعد موسم يثبت انه ماعنده شي يقدمه للفريق لاعب عاااااااااااااااااااااااااااااااااااااااااااااااااااااااااااااااااااااااااااالة على الفريق مستوى سيء فهاوة وتناحة في الاستلام والتسليم احد يخلص كورة خطيرة بالطريقة هذي حتى عيال الابتدائي مايسوونها مايعرف يركض ولا يسلم ولا يستلم اللهم تمريرة هدف التعادل وزين انها وصلت
سالم الدوسري في تصريحك الشهير تقول انك لاعب كبير واثبت انك كبير انك ماترد على الجماهير الا في ارض الملعب وشفنا امس لعبك ياكبير عك كروي بشكل غير معقول حتى لو تلعب في فريق حارتكم ماتسوي كذا خلاص اخذت لك كم مليون ليه تتعب نفسك على شان الفريق وتكرف ضامن راتبك في حسابك ان فزت وجات مكافأة فوز كان بها انهزم الفريق مايضر ملايينك مثل ماهي اذا انت وعبد العزيز الدوسري مانتم قد المسؤولية اعتذروا عن مواصلة اللعب مع الفريق مع الأسف الهلال اصبح نادي واسطة اللي زلابة ومايعرف يلعب يكون اساسي
التون الميدا نفس النظام ياخذ الكورة ويسحب على اساس انه ميسي ولا نيمار ولا كريستيانو اثبت انه مهاجم عادي وماينفع يكون قائد خط الهجوم بليد ضيع ضربتين جزاء ماعنده روح ولا حماس يركض وبس ان سجل كان بها ماسجل ضامن الخانة اساسي
نجي للزبدة دونيس مدرب ما ادري وش يبي امتدحناه في بداية مشواره لكن يبدوا اننا انغشينا فيه لانه حقق بطولتين في وقت كان وضع الفريق حبة فوق وحبة تحت لكن تلعب كريري قلب دفاع وتقتل الفرج في المحور الدفاعي وتغير اماكن الاظهرة مابقى الا تخلي خالد شراحيلي صانع لعب والله عيب عيب عيب اللي قاعد يحصل في الفريق الفرق المنافسة ماقدرت تفوز عليها باستثناء الشباب ومن كورة حصل فيها لخبطة خطفها ادواردو اللي شايل الفريق وكل مباراة يكون له بصمة يصحح فيها اخطاء المدرب
الفنرة الشتوية قريبة (( عزوز لاعب الواسطة - سالم المسحباتي اول اثنين يتم التخلص منهم اما ببيع عقودهم او اعارتهم لاي نادي يبيهم الميدا مع السلامة احضار صانع لعب الجلوس مع المدرب ومناقشته في البربسة اللي يسويها اعادة ناصر للتشكيلة الاساسية مع ادواردو يمسكون خط الهجوم التعاقد مع صانع لعب من طينة طييب الذكر طارق التايب او جناح طائر مثل ويلهامسون ولازم اللاعبين يعرفون ان البقاء للافضل عندك فريق اولمبي صعد منه لاعبين
إدارة النادي يجب عليها محاسبة المدرب والتفاهم معه ومحاسبة اي لاعب يقصر في الملعب مهما كان اسمه
اعتذر عن الاطالة لكن ماقدرت اسكت اكثر من كذا عن البربسة اللي حاصلة في الفريق
