أخوي بالثمنيات ..
دونيس كمدرب و فكر كروي لا يعلى عليه الصراحة .. مباراة اليوم ضاعت بيدين اللاعبين أنفسهم
عزوز الدوسري يصلّح هدف مقشّر يضغط الهلال .. و ألميدا يضيّع بلنتي كالعادة ..

أذكر في أحد الردود واحد قالي ( طيب المدرب هو اللي يحط اللاعبين ) .. وهذي معلومة خطأ و على مسؤوليتي ..
اللي يحط اللاعبين واسطتهم بالفريق وصدقني مافيه مدرب يقتنع بلاعب مثل عزوز الدوسري ..
إذا الكل أجمع على سوء مستوياته وضعف مردوده داخل الملعب .. جماهير .. محللين .. نقاد ..
مستحيل مدرّب يمر عليه مئات اللاعبين خلال فترة تدريبه و يلعب بمثل هاللاعب ..
غالبية اللاعبين بالهلال يلعبون بإيعاز من أعضاء شرف أخوياء للاعبين ..

سهر و استهبال من خمس سنوات حتى الآن داخل مجمّعات وفلل كبار أعضاء شرف ..
بالصدفة قبل سنة بالضبط وبرا السعودية وهالكلام أحطه بذمتي ووالله ماكذبت ..
قابلت واحد تعرّفت عليه ومع السوالف وراني بجواله فضايح و بلاوي عن سهرات لاعبين .. من الهلال و من النصر ..
وكلهن بالرياض .. هذا غير اللي قال عن منع هاللاعبين التصوير ووجود حرّاس .. وإلا كان طلعت فضايحهم
والله على ما أقول شهيد .. واللاعبين أقدر أقولك أسماءهم لكن ما أبي الله يبلاني بفضايح ..

المقصد كله من الكلام .. هاللاعبين سهر و شراب و حشيش .. وواسطاتهم تمنع تدخّل أمن الدولة أو الهيئة من إنه تقول لهم شيء ..
تبي مدرّب جاي بمرتّب لنادي يملكونه هم يقول شيء عن لاعبينهم المدلعين؟ ..

دونيس مجبر يلعب بهاللاعبين اللي ماعندهم أي مسؤولية ..
والمدرب الناجح اللي يقدر يمشّي حاله مع هالنوعية من اللاعبين .. ودونيس أفضل من ريجي كامب مدري وش اسمه الله لا يرده

بس يشيلون اللاعبين اللي انغسلت وجيههم بمرق من كثر الهزايم .. اللي ماعندهم مسؤولية ويعتبرون الجماهير فقط عبارة عن بهايم تجي تدفع لهم مرتباتهم من أسعار التذاكر ..

ويجيبون لاعبين مثل الشلهوب و كريري اللي ماشاء الله صكّوا ال35 ومستواهم يشيل فريق كامل الله لا يضرّهم ..
لاعبين ملتزمين حياتيّاً .. لا سهر ولا استهبال ولا سفريات ولا بارتيّات .. الملعب البيت البيت الملعب بس ..