الحل مطالبه الاتحاد الاسيوي بفتح عدد اللاعبين الاجانب الى 6 اجانب كذلك في الاتحاد السعودي
ياخي مو معقوله قربنا لـ 2016 واحنا بالفكر ذا ندور الاحتكاك فقط
نجيب كم لاعب عشان لاعبينا يكسوبو الخبرات
اش التخلف ذا

الحين عصر احتراف انديه بتدفع فلوس تبغا تستثمر مو معقوله ادفع مثلا في عبدالملك الخيبري او جمال باجندوح مبلغ يناهز 6 مليون سنوياً وهوا لاعب عادي بمجرد ان هذا اللي بالسوق

وبعدين يقولون ليش اللاعب السعودي مايحترف برا
لو انا مكانه بلقى هالملاييين والله ولا افكر برا

دايماً نطالع في اوروبا ونقول شوف كيف الفكر عندهم
طيب. انتو يا اتحادات طبقو اللي عندهم
اتمنى لو يفتحو عدد اللاعبين الاجانب

بدل ما اقعد ادفع بلاعب سعودي او اسيوي مبلغ فوق 30 مليون وادور لاعب لاتيني ولا اوروبي يسناده ويشيله
شف نيفيز جا بكم وشوف اش قدم للكره الاسيويه عموماً
شف ويلهامسون بكم جا وعقده اقل من هزازي النصر
وشوف ذاك وش قدم خلال سنتين وهذاك اش قدم خلال مسيرته الكرويه


لو اللاعب السعودي ما يلقى هالعقود ويشوفو النادي بيتاعقد مع اجانب بعقود
راح يحرث الملعب حرث عشان يلقى عقد مثل الاجنبي ويحاول يمسك خانه بالفريق

ولا احد يقول بيضر المنتخب صدقوني اللاعب اللي يقدر يجلس اجنبي ع الدكه هذا اللي يستحق الخانه وبس
تبي تحتك احتك بشكل كامل مو بكم لاعب

ادري اني شطحت عن الموضوع
لكن حرتي من الغباء