| صباح الخير اخي كريد الابيض
الشيء الاكيد وحسب التجربه الاعب الاسيوي افضل بكثير من الاتيني وبدرجه اقل الافريقي
يعني بالترتيب اسيوي افريقي لاتيني اروبي>> وهذا خيار المنطق والعقل
والاسباب كثيره اهمها اجتماعي ومادي وطموح الاعب نفسه
الاعبين الى ذكرت اثنين( السومه وجهاد حسين) لو تحطهم في كفه وكل محترفين الدوري في كفه
تربح كفتهم (يكفيك السومه فقط)
نقول الزواهره شايل دفاع الخليج وفدائي وفارق كثير معهم والدردور هداف الاردن مميز
شادي ابو هشهش اخذ الدوري مع الفتح وهو اهم اسباب فوز الفتح بالدوري
عماد خليلي الفلسطيني لاعب رهيب حضر مع الشباب وسجل هدف لاينسى
وكثير لاعبين وطيب الذكر الحشان مع الشباب لاعب مبدع الله يشفيه
طموح كبير عندهم للبروز وقتاليين وحماسيين
الاعب الاتيني يجيك بدون طموح بس يبي يحصل فلوس يعني يهبر هبره زينه ثم تبلش فيه
والاروبي اسوء شي ولانا في ساماراس عبره جا عندنا يهبش دراهم
نجي مادياً >>لاحظ الفرق بين سعر الاعب الاسيوي والاتيني
عزيزي افرض انك رئيس نادي الخليج ومعك 5 مليون تجيب اربعه اسيويين جيدين ولا تجيب
لاتيني واحد بنفس القيمه وشختك بختك
اجتماعياً
الاسيوي ما يحتاح وقت يتأقلم وكلام فارغ خصوصاً من الدول العربيه
واندية الوسط يستحيل تفرط في لاعبينها الاسيويين على حساب انها تجيب لاعب لاتيني
او افريقي بسعر 4 لاعبين والنتيجه لاعب منتهي الصلاحيه وجاي يتقاعد عندهم
الاستثناء في الاسيويين هم فقط الكوريين نادر يظبط منهم لاعب
والاسباب اجتماعيه ودينيه بالدرجه الاولى
طبعا فرق الوسط ماتجيب كوريين غالين عليهم حدهم الاردن وسوريا ولبنان وفلسطين عمان البحرين الكويت وبصراحه فارقين معهم وعاملين اضافه  | 