إقتباس الرسالة الأصلية كتبت بواسطة هلالي لاتحاتيني اي بس لو يتاخرون عن التمرين في شهر اكثر من ثلاث مرات بيتعاقبون ومبداء الثواب والعقاب موجود بكل مكان لكن الاشكال بطريقه العقاب تكون صحيحه او خاطئه وهنا مربط الفرس اما مقارنتك فكرهم بفكرنا فحنا ماعندنا فكر عندنا الثقه الزايده لاعبه في لعيبتنا لعب مباراه شعله من نشاط ويحرث الملعب حرث ومبارايات توزيع ابتسامات وتسحيب رجول وهنا يجي دور الاداره وهالمشكله ترى قديمه ازليه حتى مع المنتخب نفوز بكاس اسيا على منتخبات عريقه ومانقدر نفوز بكاس الخليج كله من تخدير الشيخ فهد رحمه الله كل بدايه دوره ترفيع بالمنتخب وترفيع بلعيبتا حتى يطيرهم السما والمشكله الكل يدري انها تخدير بس تمشي عليهم كل مره ويصدقون حتى قال عبارته الشهيره السعوديه ماراح تاخذ كاس الخليج الا اذا صارت الكره مستديره وفعلا مااخذناها الابعد موته لكن ادارت الهلال السابقه ماكانت تتساهل بهالشي وياليت الاداره تكون حازمه

عشان يكون عندنا فكر لابد يكون عندنا مبدء وهو اللي يعطي وينضبط يكون هو الأولى واللي مايعطي ولا ينضبط له عقاب خاص واللي يعطي وماينضبط هذا اخطرهم لأنه يكون مزاجي مثل صاحبنا ولنا في خالد عزيز عبره الشغل الصح انك تأسس لهالمفهوم في كل اللاعبين هذا مصدر رزقك واكل عيشك ليش الشلهوب نحبه وحتى الد اعدائنا وكارهينا بنو فقر يحبونه؟؟ لأنه لاعب احترم الشعار منضبط يحسب مليون حساب لسمعته وتاريخه ماعنده مشاكل ماعنده كروت ماعنده غيابات يعطيك في الملعب ماشاء الله عليه هذي النوعيه اللي نبيها ونبي هالفكر بالطيب والا بالعقوبه عموما كلها فتره وتلقى اللاعبين تعودو على الوضع الجديد وبيصير الوضع والانضباط عندهم عاده وروتين بالبدايه يكون شي غريب لأنهم ماتعودو لكن مع الوقت يصير هذا الطبيعي والعادي وبيرجعون يشكرون دونيس والاداره على هالشي لأنهم بيحسون بالفرق في سلوكهم وعطائهم داخل وخارج الملعب