| بسم الله .
والصلاة والسلام على رسول الله .
اللي يشوف المنتدى ويشوف مايطرح فيه من مواضيع وحوارات يقول فيه مصيبه حلت بالهلال ، وكأننا خسرنا بطوله العمر ، كأن الكيان كله تدمر وانهار وانتهى وماعاد فيه شي اسمه الهلال .
ياجماعة الخير هدو وصلوا على النبي وش صايبكم ..؟!
صحيح عاشقين للهلال وودنا نحصد جميع البطولات ولكن ماهكذا احبتي ما هكذا ياشقرديه .
كل الفرق تلعب وتخسر ولابد يكون عندنا ثقافة الفوز والخساره ، دامنا على وجه الدنيا فثق تمام الثقه لاشي يكمل ابداً .
صحيح حصل اخطاء ولامانع من النقد البناء المفيد للكيان ، ماهو كل واحد يطرا بباله فكره واقتراح بسبب العاطفه يجي يرميه ويروح ومايدري وش ابعاده.
وبعدين زي ما نادينا من اداره وجهازين فني ولاعبين ومشجعين يعملون ويتمنون فوز فريقهم ترى كذلك الانديه الثانيه تعمل وتتمنى وفي كل مره يكون امر الله هو الحاصل .
لااطيل ولكن رجائي الخاص هونوها شوي ياجماعه وزعيمنا ان شاء الله انه بخير واملي في الله ثم فيه كبير.
انتبهو انتبهوا .. لاندمر فريقنا بإيدينا تكفوووون تكفوووون فريقنا محارب من جميع الجهات فالمفروض نحط ايدينا في يده ونقف ضد المتربصين ونجدد الثقه والحب فيه .
وسلامتكم .  | 