بعد الخروج المتكرر لازم ؟؟؟
السلام عليكم ورحمه الله وبركاته
هاردلكم الخروج من البطوله الحمدلله على كل حال ماكان الله كاتبها لنا ...
الموضوع بعجاله راح اكتبه وهي نقاط حاب اذكرها هنا تخص الوضع الهلالي بعد الاسيويه ..
بعد كل خروج نسمع تصاريح من اداره ولاعبين انو فيه اخطاء وراح تتعالج ولا نشوف شي وترجع الاخطاء !!!!
*اولا المدرب ماقصر وقام بجهود وعمل يشكر عليه وصلنا لنصف نهائي البطوله وكان قريب للنهائي بضروف كلنا عارفينها سواء من تحكيم واتحاد اسيوي وايقافات كانت من الهجوم لين الدفاع من اول المجموعات .. ونقوله الله يعطيك العافيه وكلنا ثقه بأنه ان شاء الله مستمر بالعمل الجيد ..
*العابد وسالم الموضوع زاد عن حده وصار مثل وضوح الشمس .. الاعبين اخذو فرصتهم واكثرررر بكثير من غيرهم ..النادي اعطاهم اكثر من ماعطو النادي والفريق ... ارقام مخجله فكرر كروي باهت لا من ناحيه ارقام وصناعات اهداف ولا تسجيل .. ولنا اقرب مثال المباريات الي يغيبون فيها كيف يظهر الفريق بصوره جميله ومتعه |.. الحل الوحيد اعارتهممم باقرب وقت او الدكه لين يستفيدون من الدرس ولا اظن ان فيه امل
*الزوري علامه استفهاام ؟؟؟ لاعب يبرز لك مباراه وتحتاجه ويغيب عشرين مباراه برووود مو طبيعي بالدفاع والتغطيه ولا مبالاه .. لكن نقول للصبر حدود
*الشلهوب وماادراك مالشلهوب لله درك يبو بندر صدق لا قالو الذهب لا يصدأ .. رغم كبر السن الا انه مدرسه كرويه مفروض كل الاعبين يقتدون فيه من انضباط وروح وفكرر كروووي عالي .. وش ماتكلمنا ما نوفيه حقه ولنا اكبر مثال وش سوا بعد مانزل بالمباراه ..
خلاصه الموضوع فيه كم لاعب مو قاعد يعطي الشعار حقه ولا لجمهور الي يحترق بالمدرج .. وكلنا أمل بوجه السعد ان الموضوع مايطول اكثر من كذا ولنا اقرب مثال موضوع خالد شراحيلي وتسيبه وايقافه بهالوقت ..
قفله: في مباراه الاهلي تمنيت اشوووف لاعب مثل نوعيه الفريدي يدعم الشلهوب في منطقه الوسط لاننا فعلا فاقدين متعه الوسط والصناعه من كم مووووسم ...
طلعت كل الي بخاطري وتبقى وجهه نظر من هلالي محب وعاشق للكيان قبل الاعبين ...
والله يوفق هلالنا بالبطولات المتبقيه ...  | 