نعم إنه النصر .. فارس نجد .. قرانديزر الكرة السعودية .. العالمي الذي تأهل بسبب تحقيقه بطولة آسيوية وحيدة ساعده الحظ و الترشيح للمشاركة و أخذ المركز ماقبل الأخير !

يارجل .. النصر بنفس الكديش اللي لعب بهم وبنفس العك الكروي اللي قبل ثلاث سنوات جماهيره رفعوا الأحذية أعزكم الله بوجه رئيسهم
قدر يحقق الدوري سنتين ورى بعض بسبب جعف المباريات إكراها له .. وتعطيل المنافسين بضربهم ببعض ..
النصر بطل الدوري القوي الشجاع المغوار حسب قولك ماقدر يطلع من دوري المجموعات الآسيوي ..
والهلال شوّت الفريق الإيراني اللي نفسه شوّت النصر .. وبإذن الله بيشوّت الخويا اللي شوّت النصر بثلاثية ..

أنقهر لاقال أحد النصر سوّى وفعل .. بينما الحقيقة و الواقع لا يمكن حجبها بغربال .. !
النصر لولا الدعم التحكيمي الفاضح صدقني مايصير ولا المركز الثالث ..

عطني فريق استفاد من التحكيم كثر ما استفاد النصر!؟
خمس مباريات كانت بين الهلال و النصر ( السادسة نهائي الملك اللي فاز الهلال فيها )..
في كل مباراة يا كرت أحمر ضد الهلال .. ياضربة جزاء ضد الهلال .. !
مع تجاهل طرد حسين + هوساوي + بلنتي للزوري صريح ضد هوساوي و بنفس المباراة ينبطح وايرلسيّاً السهلاوي وياخذ الزوري كرت أحمر !

في مباريات كثيرة للنصر كان بيطلع متعادل أو مهزوم وتجيه فزعة ..
من مباراة مرعي إلى يد دلهوم إلى بلنتيات الراهب و السهلاوي .. اللي أحدها كان أغرب بلنتي في التاريخ ( بلنتي من خارج منطقة الجزاء و بالأساس منطقة الجزاء مافيها ولا لاعب من لاعبي الخصم!)

يارجل .. لو صار للهلال مثل هالدعم كان حقق كل البطولات في هالموسمين ..

ولا تنسى إن الأهلي الأحق بهالبطولة لولا التدخل التحكيمي .. اللي حتى في مباراة الهلال يسجّل السهلاوي تسلل !
والموسم اللي قبله كان النصر بينه وبين الهلال نقطتين فقط .. لو وحدة من مباريات النصر ال11 اللي اعطيت له بغير حق خسر فيها نقطتين فقط لحققها الهلال

النصر لن يحقق أي بطولة بإذن اللي ماتنام عينه .. ليس كرهاً في النصر .. لكن إمكانيات النصر ضعيفة و البطولات أعطيت لكحيلانهم بعد رفع الكرت الأحمر والأحذية مثل ماذكرت لك سابقاً .. عياناً بياناً ..