| اتمنى يجيبون مهاجم التعاون ايفولو او مهاجم الفتح سالمو
لانهم صراحه مهاجمين لا يعتمدون على صناع اللعب وان جا واحد وصنع لهم يستغلون الفرصه ولا يضيعون
ولا تنسون ايفولو لما دخل باخر الدقايق امام الهلال وش سوى
اما بالنسبه لصانع اللعب لا يجود احسن من البرازييليين فمثلا نيفيز واللتون لا تدور لي صانع لعب غير من البرازيل لان البرازيل يصنع اللعب ويشوت الفاولات بالفطره عندهم
وينسجم بسرعه خصوصا ان فيه لاعب مثل ديغاو برازيلي وبينسجمون مع بعض
فيكون ناصر الشمراني بكذا في الدوري وايفولو مهاجم للهلال في الاسيويه
وبكذا يبدا الهلال موسمه بقوه وفعاليه
اتمنى من الهلال مقايضه حمد الحمد ب سعيد المولد لا ن الوسط في الهلال مزدحم وبتشكيله دونيس ما اتوقع له مكان فيها فيكون سعيد المولد في الدوري بدل الشهراني اللي يبذل مجهود كبير وعشان يتفادون الاصابات لان الشهراني ماله بديل بعكس الزوري اللي لو انصاب ممكن الفرج يعوض مكانه وبكفائه عاليه
اما بالنسبه للاولمبي والفئات السنيه مع جلب قامه كبيره مثل عبداللطيف الحسيني اتوقع فئات الهلال السنيه في حاله ازدهار في السنوات القادمه | 