جالس امتر الرياض بالسياره من فلتان الاعصاب ..

ويوم فتحت الراديو على اذاعه بانورما والا اسمع اغنيه للهلال قلت بس فرنا اللهم لك الحمد وزعيم نصف الارض واصفق من الفرحه وانا اسوق ههههههه قلت ابتاكد واحط باقي الاذعات يو افم والقى 0-0 الدقيقه 80 هاه وش اسوي طيب فرحت انا هههههههههه وابلع ريقي واقول الله يستر ...

واطفي الراديو قلت ان شاء الله عقب ربع ساعه افتحه والقى يباركون للهلال وافتح الراديو الا المعلق يقول النصر قريب وباقي ربع والهلال لن يياس وش هالكلام افتا .. بغيت اصيح وحسيت الدنيا سودت واجلس اهوجس واهيء نفسي للحزن وكيف الحزن كل الصيفيه ويضيق صدري والعبره خنقتني واطفي قلت خلاص وفيه امل بسيط وافتح الراديو عقب ما طفيته الا على فاول الشلهوب وانقذها الحارس ...

واطفي الراديو وانا محبط وسلمت الامور وارجع افتحه والقى المعلق يحبط بي خلاص ويواسي دونيس والدقيقه 120 وانتهت المباره ...

يوم فتحت الراديو وانا حاس انه بيبارك للنصر او انتهت رسميا والا المذيع يقول الله يا زعيم الهلال ولد بطلا راس براس وقووووول للموج الازرق ..... ههههههههههههههه وش صار عقبها تكبير الله اكبر الله اكبر الحمد لله يارب يارب تمم على خير ... واطفي الراديو مابي اسمع البلنتيات ..

ويوم شغلت الراديو الا المعلق صدها شراحيلي مبرووووووك وادق فلشر وادعس من الفرحه وصلت عرقه ههههههههه مع صرخات الفرح وحاله جنونيه ...

شي زي الحلم واجمل فرحه فرحتها والحين جالس اشوف المباره اعاده مسجلها وابشوفها كل يوم ههههههههه

شكرا جحفلي نيفز الشلهوب والبطل الحارس الرائع شراحيلي ..