|
بصراحه ... تعالوا يالحميداني والمفرج !!
السلام عليكم
بصراحه
اللي يشوف الهلال من بدايات استلام بن مساعد زمام الامور يعلم ان مشكلة الهلال اداريه بحته
الصرامه في الاداره لها تأثير كبير
يوم انك يالحميداني تشوف ناصر ينزل فيديوات هيا تعال ... ليه ماتتعامل معه تعامل صارم !!؟
تدري ايش معناة هيا تعال ؟؟ معناته انه فريقك اللي المفروض ماعليه ضغوط ..صار بينفجر من الروعه من الملعب
اخذها الفريق الثاني كتحدي وصار يكوي فيك وهو توه طالع من اسيا وخاسر لاعبين من افضل لعيبته ( غالب والفريدي ) ولاعب بمحترفين فقط !!
يالحميداني ... لاتعتمد ع المدرب في الامور النفسيه ... المدرب وش عرفه بمعناة هيا تعال !!؟
الهلال في ايام محمد بن فيصل يوم كان يملك اداره قويه ... كان ينافس بقوه بباكيتا ... باكيتا اللي كان مدرب ناشئين في البرازيل ... شوف كم بطوله جاب في كم سنه
وانتم !!؟ قيريتس من افضل المدربين ... ولي العهد والدوري
كالديرون ... ولي العهد والدوري
زلاتكو ... سوء تقدير وعدم التجديد معه
سامي يوم بدا يفلح ... الغيتوا عقده
تبي تعرف حسن الاداره ؟؟
حسن الاداره انك تشيل الضغط من اللاعب وتحطه عليك .... كيف ؟؟
حط الهدف هذا قدام عينك في كل مباراه ... ووقتها بتحقق اللي تطمح له
نبي اللاعب ينزل للملعب ماعليه اي ضغوط فقط !!!
قالوها لاعبين كثاااار
تفاريس يوم كان مع الشباب قال الشباب يتميز انه مافيه ضغوط على اللاعب .. فاللاعب يقدم اللي عنده
المرشدي صرح بنفس التصريح بعد فتره من انتقاله
ليه نروح بعيد !!
شف هالفيديو
http://www.youtube.com/watch?v=Rgn9nGdog_E&t=3m18s
يقول الشي اللي يميز النصر ( طبعا اجزم انه هالكلام بعد تواجد فيصل بن تركي ) انه يلعب باريحيه مافيه اي ضغط
انت فريقك يالحميداني ينزل مضغوط من
الجمهور
الاداره
مراهنات اللاعبين نفسهم
هيا تعال!!
اتبع طريقه مورينيو ياخي ... مورينيو اي فريق يروح له ... ياخذ الشو والانظار من اللاعبيين له ... بلقطاته المضحكه في المؤتمر او في الملعب
صارت الناس تتفرج على المباراه وتنتظر لقطه من مورينيو وتاركين الفريق ...!!
المطلوب مدير فني صارم يعرف يسحب الضغط عن اللاعبين مع احترامي للمفرج الا انه طيب بشكل مبالغ فيه !!
المدير الصارم وصل الاهلي اللي ماعمره شم اسيا للنهائي ( طارق كيال )
ياخي انا بنفسي مريت بمرحله تغيير مدير في عملي ... المدير الاول له هيبه لدرجة اني اخلص الشغل قبل يسألني عنه
الثاني من كثر ماهو ( طيب ) .. صرنا لااراديا نمطط العمل الين صرنا ندخل معه في نقاشات حاده
اسحب الضغط من لاعبينك بأي طريقه ... وبتشوف كيف تمشي الامور صح
اعرف كيف تسحب الضغط ... تتوقع ريجي لبس الشماغ عبط !؟ والا يحب السعوديين ؟؟
هو صرح بنفسه وقال " ابي الاضواء والكاميرات كلها علي .. واللاعب يكون مرتاح " وهذا ماحصل
لعب الهلال مباراه العمر امام سدني وقدم افضل مستوياته ... حتى مع اغلاط نيشيمورا ... الهلال وصل لباب سدني اكثر من 7 مرات
عكس مباراه الامس
اخر لقطه:
حسن الاداره من فيصل بن تركي جعل الضغط يذهب له واللاعبين مرتاحين .. ووفي الاخير
جاب الدوري بداسيلفا !!  تدرون يعني ايش داسيلفا ؟؟ الله المستعان
شكرا للجميع والفال بكاس الملك بحسن اداره ان شالله   | 