| حي راعي المثايل يوم يبدا يقول
نظم وافي المعاني شعر جزل المقال
في وسطنا الرياضي كيف حارت عقول
وكيف من كان عاقل صاب عقله هبال
فيه راعي الدناءة والمكروالحيول
سيد الموقف وسيده على كل حال
من سعى حق وباطل حيلته للحصول
بس بأية طريقه ماكرولايزال
وأنت عاملت هذا بالرضا والقبول
تحسب الناس مثلك ماشية بالعدال
في وسطنا الرياضي كم يصيبك ذهول
من خساسة بعضهم كذب زيف وضلال
ولاتظن المثالية تجيب الحلول
فيه ناس تشوف إن الرياضة جدال
وفيه ناس تلون بالنفاق وتجول
في وسطنا الرياضي جعلهم للزوال
طيبة القلب وحسن الظن ماهي تطول
تكشف المرء عاجزعن صداع العيال
الرياضة بها غث وسمين وهزول
ينطوي الخبث عند البعض بالإحتيال
ومن ورد بير ماء وماأرتكي للحمول
عزتي لوارد ن مايستعد بحبال
ومن فطن زين واحتاط لعلوم الخبول
ياصل لمبتغاه وطلبته والمنال
أنت أحسنت ظنك بس ماأنت بجهول
لكن الوقت أخلف ظنك بكل حال
بين ربح وخسارة كل عام وحول
تجربتك بحياتك يارئيس الهلال
أنتهت في ثواني والمسافة تطول
بين رفض وقبول التجربة والسؤال | 