السلام عليكم : اولا انا كفرد من امه من جمهور الهلال .. اقول لك حنا ماننكر عمل الرجل واقصد هنا ابو فيصل ماقصر الرجال تعب واجتهد ويشكر ولكن ..
ياخوي الامير عبدالرحمن من الواضح ان الصحه الآن ماعاد تساعد مايحضر المباريات اضف الى ذلك الرئيس اتبع سياسه صدقني ماتصلح في وسط مثل الدوري السعودي خصوصا ان كان فيه ناس مثل الفقراوي اكرمك الله والشايفين .. الا وهي (المثاليه ) شوف من الاخر تبي تكون الاقوى لازم تكون خبيث .. غير كذا حيندق خشمك
اضف الى ذلك ان الرجل يبدو عليه انه ماديا مو قادر يغطي احتياجات النادي وحتى وان تكرم ودفع وجاب لاعبين او سوا شي سوا لك اكبر منشن في صحيفه وقال " انا بعت شقتي " ولا ترى النادي مفلس ماديا ؟؟ ياخي حتى لو النادي مفلس ماديا المفروض انت رئيس نادي مثل الهلال تحترم شموخ الهلال وهيبته وماتبين لخصمك انك محتاج او مكسور .. كذا تقوي الخصوم عليك .. لكن ابو فيصل لا ماخذ ف عقله ان الكل ف النهايه يحبون بعض ويتمنون لبعض الخير !! .. يااخي الحين الحين اذا نبي نعرف الهلال يبي يوقع مع اي لاعب ناخذ اسمه من الاعلام الفقراوي !! اكرمك الله والشايفين .. مو معقول يعني


نجي لريجي كامب : الشخص هذا سي سي سي جدا .. ووواضح وضوح الشمس انه يبحث عن الشرط الجزائي .. البعض يقولك مايصلح نبعده لان كذا بيخرب حال الفريق .. على اساس الحين الهلال مرره جالس ينافس ع الصداره ؟؟ او على بطوله ؟؟ نعـمه ان جات ولي العهد .. يعني اساسا الفريق رايح فيها .. ليش مانجيب مدرب ثاني من الآن ونجهز الفريق للموسم القادم من ذا الموسم ؟؟!
بخصوص اللاعبين .. عزيزي كل لاعب هلالي يرتدي تيشرت فيه شعار الهلال صدقني هو نفسه مدرك ان بيعاني اضعاف الضغط اللي بيعانيها اي لاعب في فريق اخر تدري ليش ؟؟! لانه ( الهلال = بطولااااات) غير كذا دكة الاحتياط وماضر اللي قبلهم هذا هو ( ابو يعقوب اسطوره لم تنجب مثله القاره الاسيويه = اخر عشر سنوات كان لاعب بديل ) وكان مبدددددددع وله اسمه اللي يزلزل اللاعبين غير كذا مايمشي داخل المنظومه الهلاليه