إقتباس الرسالة الأصلية كتبت بواسطة مهتم7 موضوع اقل مايقال عنه " عييييييييب" رئيس الهلال له احترامه وتقديره وحضوره شرف للهلال ... فبلاش حركات التحلطم واستخفاف عقول بعض صغار السن.. ماقصر رئيس الهلال في شي يا اصحاب الانتقاد على الفاضي والمليان... ريحونا

شوف الرد والكلام اللي ينم عن حسن تربيه ، والله لو احد يقول الكلام اللي ينقال عن الامير عبدالرحمن بن مساعد والالفاظ الي يقرع بها في هالمنتدى عن ابوك ماترضاه ، لكن كلن على ماتربى حكى ، رئيس الاهلي ابتعد عن النادي وعنده مباراة مهمه ،اللي يحب الاهلي استغلها لصالحه ، وقال الله يزيل هذه الظروف ويكون بعيون الرئيس، واحنا فريقنا واصل للنهائي وبدل ما نشد من ازره ونشيل الفريق بحضورنا ودعمنا ، مثل مافعلنا باسيا ، ووصلنا الفريق للنهائي ، وارعبنا الخصوم ،نبداء نتكلم عن حضور الرئسي من عندمه ، بينما الان نائب الرئيس حاضر ، وفي اول ايام الامير عبدالرحمن ايام النجاحات المبهرة ، كان اللي يحضر الامير نواف بن سعد ، ولم تظهر مثل هذه الاصوات ، الان انت يا انك مندس او راكب موجة المندسين وانت ماتدري ، الفريق عنده نهائي بعد ثلاثه ايام مهم جدا في مسيرة النادي ، وبدل ما نوحد الصف ونكتب مواضيع فنيه تحذر من قوة الاهلي ونبين نقاط قوته وضعفه ، ندخل باسطوانه الادارة والرئيس ، والكل عارف ان الرئيس ماراح يرحل ، وبدل مايدخلوا لاعبينا المنتدى ، ويقراءوا مايشد من ازرهم وما يفيدهم ،نشغلهم بهذا الموضوع ، انا لو كنت لاعب بالفريق وتحت هذا الضغط ودخلت وقريت هالموضوع ، كيف تبي تكون فكرتي عن رئيس نادينا ، اذا انت تتهمه انه يهرب من الجماهير ، ويترك اللاعبين ، يواجهون مصيرهم ، اي تحفيز لي كلاعب ، واي توحيد للصف ، اذا كنت لاعب خبره ضاق صدري وحبطت من معنوياتي ، واذا كنت لاعب قليل الخبره ، بتجعل في صدري شيء على الادارة ، وتاكد انك بالنهائي اشغلتني بتوافه الامور ، الان دور ادارة المنتدى حذف كل المواضيع، غير الفنيه ، والتحريضيه ، حتى لو اللي يقولها يوسف الثنيان او النعيمه او اي رمز من رموز الهلال، الان وقت رجال الهلال من جمهوره ، يوم احتاجهم امامنا خيارين يا نشد من ازرهم وننبذ الفرقه ، ونقف صف واحد ، يا نبداء ناثر على فريقنا ونحرمه من البطوله ، ونشتت تركيز الادارة واللاعبين عن النهائي المهم ، ونشغلهم بمثل هذه المواضيع ، اللي مو وقتها ، وتافهه .