|
صدقني أن الهلال ضائع حتى من قبل سدني ..
الهلال ضائع منذ الهزيمة المؤلمة فالدوري أمام الشباب
ضياع كم هائل من الفرص في تلك المباراة وكنآ نقول عآدي
ونسينا أن عندنا علة في اللاعبين الا وهي " الإستعراض قدام الباب " !!
من يصدق ان ناصر اللي مايرحم قدام الباب صاير يستعرض ويتفنن !!
واقرب مثال مباراة امس امام حطين ..
الهلال ضايع بسبب ضيآع التنظيم الإداري من قبل وبعد آسيا ..
تخيل فجأة يطلعون لك ناس ماتدري من وين طلعو ومن اي تابوت
صحو منه وجالسين يتكلمون بنرجع النصر لفارس نجد !! مادري
ايش دخل النصر وقتها !
صدقني ان الهلال ماضاع إلا بسبب ضياع التنظيم الإداري اللهلال
لو تدخله الأن تحس انك في غابه كل من فيها يحاول قتل الثاني والصعود
على أكتاف الثاني ، غاب حب الشعار ، غابت المسؤولية من قبل اللاعبين
غاب صانع القرار ، غابت الهيبة فالهلال ، الهلال لم يعد مخيف كـ السابق !!
الهلال اصبح صغيراً بسبب افعال إدارتة اللتي تركت الجمل بما حمل !!
رحل الداعمون ورحل العاشقون ورحل المحبون المتيمون بالنادي ومن أتى ؟؟!
بتال وحاشيته وغيره من السرطان الاصفر الخبيث !!
كانهم يجتمعون على وليمة قدمت لهم بسهولة لـ يتفننو بـ تقطيعهآ ونشر
اعضائها في كل مكان والرقص على حالها مع القليل من الضحك على من
تسآهل معهم وكأنهم يقولون لو عارفين من زماااان ان الوضع بهاذي السهولة
ماكان انتظرنا طوووول هالمدة !!
صدقني صدقني لو ان هنالك عمل حقيقي وطموح متجدد للإدارة منذ استلام الكرسي
لكان حال الهلال ليس كـ حالة الأن !!
يا أخي معروف في اي شركة تريد النجاح او نادي يبغى البطولات يكون تجدد
الطموح أمر بديهي يعني مثلاً خرجنا من آسيا يكون طموحنا الدوري وهكذآ
اصلاً كل ادارة واعية وفاهمة تكون شارحة للاعبيها ان آسيا مو نهاية المطاف
وخسارتها راح تتعوض مو مثل اللي صار قبل النهائي !!
تحس خلاص هذا النهائي في نهاية الموسم وللاسف العكس كان صحيح
كنا في بداية الموسم !! المفروض كان في اخصائيين نفسيين يشرحون للاعبين
ان خسارة آسيا مو نهاية كل شيء !! لازال فيه دوري !!
زعل الجمهور ورب الكون ليس بسبب خسارة او خسارتين او ثلآث !
بل الزعل كل الزعل من الضعف الواضح للجميع ، من ضياع الهيبة
اللي كانت تجعل الخصم قدام الهلال مرتبك وما نراه الان العكس !!
" لاعبي الهلال مرتبكين ولاعبي الخصم مهمآ كان صغير واثقين بحالهم "
الزعل بسبب ترك الادارة للنادي وكان النادي بدون ادارة او اعضاء شرف
تحس الكل ترك اللاعبين وحيدين بدون داعم او مساند او قائد لهم !؟
فـ امانة عليكم كيف تبغونهم يلعبون لأجل الشعار وهم اصلاً ماعندهم
إدارة تعرف وش تسوي وايش المطلوب للخطوه القادمة !!
لن يعود الهلال إلا برحيل هذه الإدارة أو تجدد الطموح لديها ..
الحضور يازعماء هو من سيرفع من همة اللاعبين وسيجعلهم ينسون
الحزن اللذي يقبع في نفس كل واحد منهم ! لإن والله هجر المدرجات
ليس هو الحل بس العكس هو مصيبة كبيرة على اللاعبين قبل الادارة
النايمة فالعسل ، احنا نعشق الهلال ككيان مو لإجل انتصار او فوز
حضورنآ بيجعل اللاعبين يحرثون ويحترقون فالملعب من اجل الكيان
 | 