من قبل التوقف وقبل المباراة حتى لو فزت بيكون الفرق بينك وبين مركز الصدارة سبع نقاط وبيبقى تحقيق الدوري صعب جداً ، ما كنا نحتاج خسارة ذا النقطتين عشان نعرف أن الهلال ابتعد عن المنافسة لتحقيق الدوري ، مستويات تعبانة وفريق ضعيف ويفشل في إحراز حتى هدف واحد في مبارياته مع الأربعة الكبار كلهم في الدوري ، شهر كامل الدوري متوقف بعد فترة توضح فشل المدرب في قيادة الهلال للطريق الصحيح ما كان الأفضل تغيير هذا المدرب الضعيف ومنح المدرب الجديد فترة كافية للتعرف على الفريق خلال شهر التوقف ؟!! إذا كانت الإدارة تنوي استمراره إلى الموسم القادم بطريقته الجبانة هذي فمعناته احنا جالسين نحضر لموسم قادم سيء بعد موسم حالي ضعيف جداً ، عَ الأقل إذا جبت مدرب جديد تكون تحضر الفريق وتسعى لتقويته ونتعايش مع الوضع بخسارة موسم واحد وتحضير جيد للبطولات الثانية أما مع ذا المدرب ما أتأمل بتحقيق ولا بطولة ، لو رجعنا لـ أربع مباريات سابقة يمكن لو حسبت تسديدات الهلال تجاه المرمى يمكن ما توصل 15 هذا الهلال ؟!!!

الفيصلي أمس كان فريق ضعيف جداً لو كان الهلال في حالة جيدة يفوز أربعة وفي نفس الوقت لو رجعنا لمستوى الأفراد في الهلال ما نلقاهم بذاك السوء الكبير لكن التكتيك الفاشل اللي يعجز فيه اللاعبين عن تشكيل هجمة أو بالأحرى تسديدة تجاه المرمى هي اللي جعلت الهلال بهذا الضعف ، مدرب جبان وما يستحق تدريب فريق مثل الهلال ..

عبدالله الحافظ وش الداعي من استدعاءه !! يا أما لعبني أساسي أو تلعب الدعيع وأكون بديل أول والا الزوري لاعب مركزه مدافع ، أما تناديني من الأولمبي عشان تخترع وتلعب كريري دفاع ياخي خلني جالس في بيتنا والا أتمرن مع الأولمبي ليش الكلام الفاضي!!

طبعاً أنا مع إقالة الجبان ريجي وأتمنى حدوثه اليوم قبل بكرة ، لكن لو تمت الإقالة في هذا الوقت فهذا استمرار للحماقة والتخبط الإداري ، يعني كنت تنتظر شهر كامل حق التوقف عشان تشوف بتفوز ذا المباراة والا تخسر نقاط عشان تقرر يبقى المدرب أو لا وتروح فترة الشهر هذي بدون أي فائدة!! لكن في نفس الوقت استمرار المدرب بيكون استمرار لضعف الهلال وماراح نحقق شيء مع مدرب ضعيف جبان مثل هذا ..


هارد لك والحمدلله على كل حال ونتمنى الأفضل في القادم ويكون التعادل خيرة عشان نتخلص من النقاط السيئة والضعيفة في الفريق ..