20/01/2015, 06:53 AM
|
 | زعيــم فعــال | | تاريخ التسجيل: 29/05/2014
مشاركات: 221
| |
-
اسمحو لي اتكلم عن المنتخب شوي
أي شخص يتوقع ان المنتخب راح يحصل ع بطولات واتحاده هذا الاتحاد النايم
وادارته هاذي الاداره اللي ماتقدر حتى تتحكم بالاعبين وهوشاتهم
ورئيسها ( مع كل احترامي له) هذا الرئيس الغير جدي بعمله وكل كلامه اعذار
فمعليش الشخص اللي يتوقع بناخذ بطولات بوضعنا ذا ( غبي )
ياعمي الخليج ماجبناها تبون اسيا ؟!
البلا ماهو بالاعبين لا والله ماهو بالاعبين
لاعبيين المنتخب ككل مميزين الا كم اسم وقله جداً
وهم الافضل في دورينا حتى لو كانو مش مميزين وادائهم مو ذاك الزود هذولا هم الافضل حالياً بدورينا
خسرنا ليه ؟؟
لان احمد عيد مادفع ثمن البطولات بالجهاز الفني ولا بالاداري ولا بالمعسكرات
اجل جايبين مدرب قبل البطوله ب 3 اسابيع وتقولون له جيب اسيا ؟؟
ياشيخ لو انه مدرب تشلسي مابيجيبها لك واعيد واكرر البلا ماهو بالاعبين
الحصول ع البطولات ماهو شي بالسهل يجيك
يبي لك عمل سنوات
جيب مدرب صح ومساعدين يختارهم المدرب وطاقم طبي صح وطاقم اداري شديد ع الاعبين و ع كثر ماهو صارم مع الاعبين يكون قريب منهم ويحفزهم
هذا شي
الشي الثاني لاتتوقع لو جبت اللي قلتلك عليه بتاخذ البطوله طوالي
يبيلك وقت لين الاعبين ينسجمون ع طريقة المدرب
ولين الاعبين يتفاهمون مع بعضهم وبجانب بعضهم داخل الملعب
يعني برضو يبيلك صبر ودعم مالي لهم وتحفيز معنوي دائم
الشي الاهم من ذا كله
يبيلك تشكل لجنه خاصة بمعاقبة أي اعلامي او بالاصح ( شخص متخلف ومظطررب نفسياً محسوب ع الاعلام )
يقذف او يحطم او يسيء لشخص الاعب او يتحدث عن امور الاعب المشارك مع المنتخب بامور خارج المنتخب مثل رواتبه مع ناديه او وضعه مع ادارة ناديه والخ من الاشياء اللي تشتت الاعب وتظغط عليه
وملاحقة كل شخص وايقافه حتى لو كان (ييتحدث بتويتر) يقوم بادخال امور الانديه والتعصب في ظل معسكر المنتخب او مشاركته رسمياً
اذا سويت ذا وهذا اقل شي تقدر تسويه (لاني باقي ماتكلمت عن فئئات المنتخب والاحتراف وغيره)
لك حق تتأمل ياعززيزي وتتفاجئ بخروج منتخبك
اما قبل البطوله بيومين يجي مشجع ويسب لاعبين منتخبه بسبب ميوله ويناديهم ب يالزلايب بمباراه وديه !!!
ويقذف اهله وينصاب الاعب ويرجع لوطنه ويجي الاعلام يحاربه ويقول هرب من المنتخب رغم انه للان لم يشارك مع ناديه وتسكت وتبي نتايج منه كلاعب مع المنتخب ؟ انسى
وبعدها بكم يوم لاعبين اثنين هجومك يتهاوشون في ظل وجودك ي احمد عيد وانت المسؤوول الاول وفي ظل وجود الاداره والجهاز الفني بسبب غير مقنع ولو لا الله ثم كم لاعب فرقو بينهم كان تطاقو وتبي منهم مستوى ؟ انسى
ويوم يدخلون في مباراة اوزبكستان يلعبون جنب بعض يبون يورونا انهم تصالحو !!
خلاص ترانا صدقنا انكم تصالحتو من الكيكه 
لا ويوم انهزم المنتخب ب 3 طلع احد المهاجمين ينتقد لاعبين الوسط .. معليش بس هل هو محلل او ناقد فني او مقيم او لاعب ؟؟
احد يعلمنا وش وظيفته يالربع لايكون ظلمته ؟؟
انا اتمنى لو يكون في احصائيه كم كوره دخلت منطقة الجزاء والمهاجمين لم يستغلوها
صحيح المستوى كان سيء لكن انك تحمل فقط لاعبين الوسط الخساره هذا غلط يا كابتن !!
ليه نسيت طيب اخطاء الدفاع والحارس ؟ ليه ماقلت اليوم ككل لم نقدم المستوى المأمؤل ليه حملت فقط لاعبين الوسط الهزيمه ؟؟؟
اذا ماكان في خطة عمل واضحه مع مدرب صارم واداره صارمه للبطوله المقبله
ف انسو البطولات ...
شكراً
|
