نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

@@almoreb@@ · #7 21/12/2014, 12:07 PM

إقتباس

الرسالة الأصلية كتبت بواسطة بنوتة**هادية^_^


	وعليكم السلام.. بكيت.. وبكيت.. وبكيت.. كان عندي حلم .. اتخرج من قسم اللغه الانجليزيه من قسم اللغه وهو اصعب قسم.. فشلت وانضحك عليا .. وسخرو مني.. وقللو من قدرتي.. وحاولو يحبطوني.. وفي انسانه من العائله مرفهه نوعا ما عندها قدره انها تدرسه بسهوله .. قالتلتي بنوع من التحبيط وتكسير المجاديف وهيا تمسح وجهها "هذا وجهي لو نجحتي من سنة اولى".. قدام مجلس مليان.. اللي سويته انا اني طلعت على ظهرها وتخرجت من قسم اللغه الانجليزيه ..لما رجعت البيت هذاك اليوم مانسيت تهكمها وسخريتها مني واحتقارها ليا..مو بس هيا كل العيله مافي غير امي واخواتي احيانا يشجعوني واحيانا يقولولي خلاص ماتقدري.. صارت لي مشكله كبيره وخربطه وقت ما انضمت الكليه"هذاك الوقت كنت تحت نظام الكليه"الى الجامعه.. ومع التحويل صارت لمجموعة بنات لخبطه وكنت وقتها ثالث نظام كليه نزلت بأختار مدرسه عشان التطبيق العملي قالتلي انتي سنه ثاني..مو ثالث.. اللي صار انو كنت حامله 3مواد وفي استاذه ماسلمت اوراق بعض البنات وكان في تتش بيني وبينها مادة الترجمه التافهه .. الاستاذه ببساطه رسبتني بدرجتين حقت سؤال واحد وبكذا صرت حامله 4مواد نزلت ثاني ودخلت نظام جامعه ماتعادلت مواد كثيره ورجعت ادرس مواد ناجحه فيها واستاذه قالتلي اجابتك صح بس مو عاجبتني والثانيه قالت احمدي ربك ..تمسكت بحلمي وتحقق تخرجي من الجامعه من قسم اللغة الانجليزيه.. الانسانه اللي طلعت على ظهرها الآن تدرس انجليزي في معاهد وتحاول تكون زيي..بس هيا الفاشله.. كلامي طويل بس حبيت احط تجربتي وحلمي..

إقتباس

الرسالة الأصلية كتبت بواسطة بنوتة**هادية^_^


	كنت دائما اقول انا في نفق وفي يوم من الايام حأشوف النور.. كنت دائما اقول هذا الشي مع وحده من صحباتي في القسم.. انظلمت كثير .. وماكان في عندي احد يساعدني غير رب العالمين .. كنت ادعي على اللي تظلمني والحمدلله ربي يستجيب لدعواتي.. مافي شي سهل بالدنيا .. بس اللي عنده هدف ويحب يحققه ويغامر ويتشجع يقدر يحققه ..لما تخرجت وكنت بحفل التخرج بكيت وقلت في نفسي " نفسي اشوف وجهك يافلانه ".. وللمعلوميه الانسانه هذي ماتتكلم معايا كثير ..والكل حاسدني كييف قدرت اني اتخرج وكل هذي المشاكل حوليني..كانو يحاولو ويقولو انتي الين دحين ماتخرجتي و كنت ارد ماني خسرانه شي انا داخله على لغة جديده كل يوم كلمه جديده اتعلمها.. عندي فكره لو تحققت اكون مليونيره.. من جد.. بس الخوف عقبه ولازم اتخطاه.. I Can Do it I can do it

هلا بنتووته هاديه .. مرحبا ألف

والله قصة كفاحك رائعة جدا واحترمت فيكي قوة شخصيتك وسعيك القوي للوصول لهدفك .. واعتبر قصتك واقع حقيقي لكل الكلام التحفيزي اللي ذكر في الفيديو لكن بنكهة عربية

بيني وبينك احيانا السخرية والشماته وخاصة من الاعداء تكون أكبر حافز للانسان للوصول لهدفه ولقهر العذال ... ربي يحبك ولذلك جاب لك ناس تتريق عليكي عشان بس توصلي لهدفك والحمد لله وصلتيله وبشرف

بالنسبة للفكرة المليونية قوليلي عليها ونتخطى العقبة سوا ونصير مليونرين اثنين

... بالتوفيق لكي خيتوو .. You can