إقتباس الرسالة الأصلية كتبت بواسطة algohmani كما هو العنوان . اللاعب الفردي في كرة القدم عالة ولايحقق للفريق مكاسب إلا ضد الفرق الصغيرة . مايحدث بالهلال بختصار يحتاج لإعادة النظر ولايجب أن نلقي اللوم على التحكيم فالحكم لم يحتسب ضربة جزاء فقط وماعدا ذلك فأغلب قرارته سليمه ماعدا طرد محمد حسين غير المستحق . الهلال بطريقة ريجي لو ظل يلعب قدام النصر ثلاث سنوات لن يسجل وعليه أن يحترم الهلال ويعرف ماذا يحتاج وماذا ينقصه وكيف يلعب بالهلال . لنبدأ بأسماء يجب أن تغادر الفريق بأسرع وقت أولاً : تياقو نيفيز : أناني - يريد تسجيل هدف يتفرج عليه ويوريه لعياله بعد مايعتزل ويقول شوفوا هذا أنا سويت زي ماردونا بالضبط . ياخي الكورة مو كذا . ولاعمرنا تمنينا يجينا محترف هذا أسلوبه . تياقو تغير كثيراً هذا الموسم وتياقو الذي كان لم يعد كما كان ولكن يجب أن نوقف لتياقو حد ولن نجامله على حساب الهلال . عشرين دقيقة لعبها من العبث ثانياً : بنتلي : ماودي أتهم ريجي بالسمسرة على حساب الهلال ولكن هاللاعب لاحاجة لنا به ويمكن تغطية مكانه بكل سهولة بلاعب محلي ومالدور الذي يؤديه ونحن لانراه سلمان الفرج أطلق منه ألف مرة ولو لعب مكانه لوفرنا خانة أجنبي . هالخانة إما جبنا لاعب بإمكانيات رادوي ولاتركناها خالية . ثالثاً : عبدالعزيز الدوسري : دخل بدقائق وظل نائماً لاعب مايعرف يلعب آوت لا أدري هل هو مرتبك بعد كل هالسنين اللي لعبها بالملاعب ولا وش قصته . مسرح بشكل كبير ولاحظوا ضربة الزاوية اللي مررها له سالم الدوسري . ولاهو بالمباراة مشغول بإيش ياخي علمني . سوء اللاعب هذا لن نحتمله أكثر مما تحملناه ولاعندنا استعداد نتحمل السكر والضغط بسببك ياعبدالعزيز . وهناك أسماء يجب أن تزور دكة الاحتياط أولاً : سالم الدوسري : لاعب مهاري لكنه غير متعاون مع زملائه . ضعيف جداً باللعب الجماعي عديت من واحد واثنين وثلاثة وضاعت وش الفائدة اللي استفادها منك الفريق . علينا أن نضع اللاعب بدكة الاحتياط حتى يتعلم أن كرة القدم لعبة جماعية وخصوصاً بوقتنا الحاضر . ثانياً : ناصر الشمراني : انخفاض بالمستوى ويجب أن يأتي لاعب أجنبي ليحرك ناصر الشمراني ويعيد لنا توهجه . ناصر ممتاز ولكن له فتره من يقل أنه كويس فوالله والله إنه يجامله ولكن مصيبتنا بناصر أن بديله سيء مع كل التقدير لشخص يوسف السالم الذي أتمنى التنازل عنه لأي فريق كواك وديجاو ورحيلهما ! لا أدري كيف تشاهدون الهلال وخصوصاً من يطالب برحيل الشجاع ديقاو ألحين هاللاعب اللي يلعب بروح وقتالية نجي ونطالب باستبداله والاستفادة من مهاجم . أما كواك فاللاعب الآسيوي وخصوصاً المهاجم غالبا يكون مقلب فخلونا عليه وخصوصا إنه منسجم مع ديجاو وننسى هالخانتين والله ماشفعنا بعد الله في بعض المباريات إلا هالثنائي لذلك يجب أن نترك الكلام عنهم حتى نعثر على قلب دفاع يعتمد عليه الهلال الفردي إلى متى ؟ لا أدري هل يشاهد ريجي أنانية بعض اللاعبين وحرصهم على المرواغة بشكل مبالغ ولا الراجل مو داري وش الطبخة . ياريجي ترا اللي فينا كافينا غير أسلوب الفريق فوالله ماعطى الهلال جمالاً يتفوق به على كل الأندية غير جماعية وروح لاعبيه لاتقتلها بمشاهدة تلك الأنانية وهي تغير رونق الزعيم . ريجي ماذا يريد بإخراج ناصر وإدخال الدوسري نريد شرحاً مطولاً من السيد ريجي لهذا التغيير الغريب ؟

ياشيخ هذا الكلام اللي يجمد على الشارب
لاعبين انانيون كل واحد يبي يسجل
سالم لازم ياخذ الكوره ويسحب ثنين بعدين تنقطع منه الكوره
هجمه مرتده تضيع بسبب الانانيه
نيفيز تغير 180 درجه صار اناني يبي يسجل وبس
نبقي عليه الموسم هذا ولا خلاص الله معه
الدكه تحتاج تنسيق كثير من اللاعبين
كلام كثير بقوله بس الله يوفق الهلال في مرحلته القادمه