ياجماعة مباراة سدني للي يفهم كورة الحل ماهو اللعب بماهجم او حتى بمهاجمين الحل كله والربط بيد لاعبين الوسط (القادمون من الخلف ) لأن جل لاعبين سدني داخل منطقة ال١٦
وكلكم شفتوا هجمات العابد وسالم اللي برى واللي ردّها الحارس أضف لذلك لو البلنتي حق الفرج محسوب
من اللي تسبّب فيه هو سلمان طيب وين كان قبل الكورة تلعب له ياشباب لاتتكلّمون في شي الا فاهمين فيه
هذي بس احد الفرص
واجزم لو لعب بمهاجمين وخسر قلتوا ليه غيّر الطريقة اللي تعوّدوا عليها اللاعبين
إرضاء الناس غاية لاتدرك
واللي قال إذكر لي كور طويلة لعبوا فيها وهم ماتدرّبوا عليها
أقولك اسمحلي يمكن تتابع مباريات غير الهلال
كل مباراة للهلال نلاحظ في بعض الأوقات لعب كرات طويلة وتوكل الكرات الطويلة ياما لكريري أو لكواك اللي دايماً يسويها في كل مباراة تشوفه من ٣ الى ٤ كرات طويلة الى الشمراني ومنها فرص حقيقية كهدف الشمراني الأول بالعين في الرياض
واللي يقولون ليه ماتبونا ننتقد المدرب
طيب بسألك هل انت تشوف ان الوقت مناسب لتنتقد المدرب
للأسف بدل ماكان ينضرب فينا المثل جمهور على قلب رجل واحد صرنا مطبّلين وصرنا بين جمهور سامي وجمهور ريجي