إقتباس الرسالة الأصلية كتبت بواسطة تميمي الوسيطى بصراحه كل كلام المنتدى لايؤخذ به لا من الادارة ولا من اعضاء الشرف واتوقع اصلا انهم مايدخلون المنتدى ولا يدرون عنه واحنا جالسين نحرق انفسنا هنا ليل نهار ونطالب بصفقات ونطالب بأشياء اخرى ولكن لا حياة لمن تنادي الكثير منا عنده افكار واراء ممتازة ولكن يفكر قبل يكتبها هنا انه ماراح احد يعبره ... باختصار جمهور الهلال ليس له اي صوت او رأي على الادارة عكس جماهير الانديه الاخرى وهذا اللي يحرق القلب .. ماعتقد انه يضر الادارة توفير يوم واحد على الاقل في كل شهر لسماع اراء وصوت الجمهور الهلالي وماهي صعبه فيه طرق كثيرة وسهله تقدر تسويها الادارة للتواصل مع الجمهور .... وعندي رأي وقلته كم مره بس مالقيت اي اهتمام له وراح اعيده واقوله سامي الجابر يجب رجوعه للنادي لقيادة شباب الهلال او الاولمبي اتمنى ذلك اللي بيقول صعبه بالعكس ماهي صعبه وفيها فوائد كثيرة لجميع الاطراف وسامي قالها مليون مره انا مستعد لخدمة الهلال من اي منصب !!!!!!!!!!!!!!!!!!!!!!!

يا حبيبي لما يكون الجمهور كله يتكلم بموضوع واحد مو مثل الحين روح شوف كم موضوع يتكلمون فييه ، انا ما اقول انه مايتكلمون في الاحداث اليوميه لكن لابد ان يكون في موضوع اساسي لكل فترة ،وفي ذاك الوقت بتسمع الإدارة مقتراحات الجمهور

كيف يكون صوت الجمهور واحد صعبه صح؟

هذا عمل إدارة المنتدى عندهم مليون طريقة لتوحيد صوت الجمهور وهذي طريقه من عندي :

إدارة المنتدى تنشئ قسم و تخصص موضوع واحد بس كل اسبوعين للجمهور ليبدون رأيهم فيه ويطرحون افكارهم بتقولي ليه اسبوعين ؟؟؟ ليه مو كل يوم ؟

1-عشان الموضوع يأخذ حقه من آراء وأفكار
2- عشان يكون هناك استجابه من الإدارة

طبعا لكل شيء سلبياته وإيجابيته لكن لما تكون الإيجابيات أكثر من السلبيات يجب علىك تطبيق الفكرة ومحاولة تجاوز السلبيات مو تمحي الفكرة كلها..