نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - دعوة للنقاش# اتصالنا الحسي بوسائل التعارف لحظة وجود الوالدين

الـمـشـاغـب · #4 02/09/2014, 03:42 PM

دعوة للنقاش؟ هو أحد فاضي لك يناقش؟
هو فيه أحد هنا أصلاً عشان يفضى لك يناقش؟

ع العموم ..

أنا راضي أوقف عن الجوال .. بشرط يوقع أبوي على تعهد يوقف هو بعد !
يا شيخ والله ما حلفتني أسولف مع أبوي ومتحمس أصيغ السالفة بأسلوب كوميدي
على بالي خفيف دم ومنكت, وبنص السالفة والحماس يطلع جواله ويفتح الواتساب
وأكمل أنا السالفة مع الجدار اللي متعلقة فيه جبهتي

أرجع إلى قبل عدة سنوات .. يوم علمت أبوي على الكمبيوتر والانترنت !
طلب مني أعلمه على النت (بأيام الدايل أب) وكنت أماطله, بالأخير علمته المبادئ
وبسرعة البرق تعلم بنفسه خلال فترة بسيطة !
ما دريت به إلا وهو مشرف بعدة منتديات حوارية (قبلية وسياسية) وأدمن برومات بالتوك!

وقبل سنة تفاجأت به يتابعني بالتويتر؟!! كيف عرف حسابي مدري يمكن عن طريق الإيميل! للأسف اضطريت أعطيه بلوك درءاً للرقابة

وعنده الحين قروب واتساب حواري ناجح جداً أعضاءه من قطر والإمارات والكويت واليمن والسعودية, أحس إنهم بيوم بتصير لهم مداهمة من المباحث الخليجية

هذي سيرة أبوي الانترنتية .. عاد يالله تفلسف أنت على مخي وقل لي متى أقفل الجوال؟ 0

0