نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - كتلوني بين جماهير الهلال (( صور

كتلوني · #1 16/07/2005, 09:18 PM

[align=center]السلام عليكم ..

مبروك مبروك مبروك مبروك اربع بطولات من قدك يا زعيم

يمكن هذي اول مره اصور بكاميرا جوال .. فـ لذالك لا تستغربون اذا شفتو صوره لـ بلاط المدرجات او كشافات الاستاد

المهم وصلت نادي الهلال الساعه4 العصر كانت الحركه طبيعيه

هذي صوره لبوابه النادي

اعتذر على عدم وضوح بعض الصور

و ركبت احد الباصات الموجوده في مواقف النادي .. وزعو التذاكر داخل الباص .. وبعد عشر دقائق تحرك الباص ..

الى طريق الملك فهد .. طريق الامير عبدالله .. مخرج الاستاد
ولو ادري ان شباب الباص كذا كان رحت مع اخوياي ولا بتاكسي

(( الله يرحم السيارات اللي كانت تمشي جمب الباص

)) المفروض يكون في شخص سعودي مسؤال عن النتظيم داخل الباص

المهم ماعلينا .. وصلنا الاستاد الساعه 5 وربع تقريبا ونشوف مدرجات الدرجه الثانيه وحنا بالطريق شبه مليانه

وقف الباص ونزلنا

...... الى المدرجات

كان موجود عند التفتيش جمهور كبير ما حصلو تذاكر ... يقولون خلصت التذاكر حتى منافذ البيع مافيها احد

المهم رحت لبوابه رقم 23 حصلت عسكري مقفل البوابه يقول مافي اماكن رحت البوابه اللي بعدها ونفس الحكايه........... مافي مكان اطلع الدور الثاني

يا ابن الحلال افتح في اماكن ..... وتجمعو الشقرديه اكثر من 15 شخص قدام 2 من العسكر

كانت الخطه واحد من الشباب يفتح الباب .. والكل يدف ندخل كلنا في وقت واحد .. وبالفعل

... فتح الباب وكل قام يركض .. والعسكري مسكين طاح على وجهه مايدري يمسك ذا ولا يمسك ذا

دخلنا ويالله يالله حصلت مكان ...... ريحنا شوي .. ثم بدت الرابطه تشتغل .. وصورت فديو لها شوفوها بالمرفقات (( امحق من صور :sad: ))

كان موجود تركي المقيرن والاستاد حسن القحطاني امام الجمهور .. و الجمهور يردد ياسر ياسر ياسر .. وتركي المقيرن يقول بيده

واحد من الجمهور اقترب من الشبك وكلم عضو مجلس الاداره حسن القحطاني قاله " نبي ياسر .. رد حسن بيوقع بكره ويشر بيده بالتوقيع ويقول بكره .. قال احد الجماهير هنا ولا في الشرقيه .. قال حسن في الشرقيه "

توجه رئيس النادي الامير محمد بن فيصل ممسك بيد الامير بندر بن محمد الى الجمهور .. وتفاعل الجمهور معهم

.. دخل البلطان وسلم عليهم .......................................... والجمهور كل ما يقول حيو ابو سلطان يلتفت ويعطينا تحيه عسكريه

وباقي الاحداث اللي صارت اكثر من عضو ذكرها لكم ...

صور

الاهلاوي وعضو شبكة الزعيم جزرة2005 كان متواجد بالمدرج الهلالي منذ وقت مبكر جدا وبذل جهد كبير جدا يشكر عليه مع الاخوان في الرابطه ..

شكرا لكم

لقطات الفديو بالمرفقات موجود فيها

اهازيج الرابطه والجمهور ...

تفاعل الجمهور مع شريط سامي

دخول اللاعبين

وتفاعل الجمهور مع هدف كماتشو ..

وحركه الامواج

واخر ثواني المباراة [/align]

يتبع