موضوع رائع .. دخلتي في جو وأنا أقرأ ..

مشكلة اللاعبين الأجانب إنه ممكن يكون نجم أسطورة في بلده ويجي السعودية ما يعرف يركض مترين .. ممكن طريقة اللعب هنا تختلف ..

وممكن يكون لاعب جيّد يمشي الحال .. ويجي السعودية و يصبح أسطورة من أساطير النادي .. مثل ما حصل مع كماتشو و تفاريس ..


بالنسبة للاعب هذا أشوف إنه ممتاز لو إن الغرض من جيبته سد الثغرة بين الدفاع و وسط الملعب .. لأن كاستيلو فشل بإمتياز ..

ولكن الجمهور هو المشكلة .. الجمهور لو تجيب حارس مرمى أجنبي مستحيل يرضى عليه إلا إذا سجّل هدف ..


أرقامه في دوري الأبطال ضعيفة للأمانة .. لعب أربع مباريات بمعدّل اعتراض واحد للكورة في كل مباراة .. ضعيف جداً ..

بس لكل مباراة ظروفها و لكل فترة ظروفها ... ممكن ماحالفه التوفيق ذيك الفترة ..


مجملاً .. اللاعب جاء كمحور دفاعي بالإضافة لكونه يجيد اللعب في مركزين .. ( المحور و قلب الدفاع ) هذي ميزة جميلة في اللاعب

وممكن يلعب لك حسب حاجتك .. و ماتدري عن الكروت و الإصابات اللي تصير ..

تقدر تلعب به محور في حالة اكتمال الدفاع .. أو مدافع في حالة إصابة أو غياب أحد لاعبي الدفاع لاقدر الله ..


كنت أمنّي النفس بمهاجم أجنبي الصراحة يكون بجنب ناصر .. بحيث يغيّر ياسر مركزه للاعب وسط مهاجم لأن ياسر ممتاز في صناعة اللعب ..

ولاهو عيب إن ياسر يغيّر مركزه .. مثله مثل توتي و غيرهم .. حتى سامي لعب كصانع ألعب ونجح نجاح كبير جلب فيها بطولات داخلية و خارجية للهلال ..

ياسر ممتاز في التسديد من بعيد .. و ممتاز في الكرات الثابتة .. و إذا دخل منطقة الجزاء راح يكون مثل نواف التمياط الله يذكره بالخير يضرب رأس و يتابع أي كورة تتخلص من دفاع الخصم ..


على العموم الله يوفقه معنا .. و يكون قد التطلعات .. والأهم إنه ما أحد يحكم عليه من بدري .. ومهب لازم يسجل أهداف دامه يقومه بواجبه الدفاعي على أكمل وجه