انا كنت من اكثر المعارضين على الكابتن سامي الجابر بداية الموسم وكنت اقول انه بدري عليه ويحتاج خبره ووقت اكثر علشان يمسك كيان كبير مثل الهلال لكن بعد ماكلف سامي بتدريب الهلال عيب اصلا انه نفكر نقيلة

من البداية اتوقع نتايج الموسم الماضي كانت متوقعه بحكم انه سامي خبرته قليله يعني مستحيل ادارة الهلال تجيبه علشان يحقق لها كل البطولات المفروض جايبته وواثقه انه بعد موسم موسمين بيطلع فريق من صنع سامي وراح يكون فكر سامي فيه وراح يحقق كل البطولات باذن الله لكن كذا مع احترامي الادارة كانها ضيعت موسم على الهلال على الفاضي لا استفادة من فكر سامي ولا استفادة من التفاهم اللي صار بينه وبين اللاعبين، راح نضطر نعيد الكره الموسم الجاي مع مدرب جديد يبتدي يحاول على امل انه ينسجم مع الفريق. للاسف ادارة فاشلة واثبتت فشلها يوم فكرت تجيب اسطورة الهلال وتحطه في مثل هالموقف الفاشل

همسه،،،
أول موسم الجمهور حتى مع هزايم الهلال كان متواجد مع الفريق في المدرجات حتى بعد المباريات كان يشجع ويازر سامي بكل الظروف، اول موسم يكون طعم الفوز غير لانه سامي وبوجود سامي يختلف طعم الفوز ، اول موسم يتحد رأي الجمهور على ضرورة ابقاء المدرب رقم عدم تحقيقه اي بطولة

لبى قلبك يابوعبدالله ولايهمونك رح نشتاق لك