السلام عليكم
أخيرا تم ترويض العاشره
والله يا مدريديستا اني بعد المباراة ابي ادخل هنا واحتفل معكم في وقتها بس جهازي مدري وش جاه خرف علي وقته غلط
وكان عندي اختبار رياضيات على بالي بذاكر قبل بيوم ولا قدرت اذاكر من التفكير بالعاشرة واتخيل وش يصير اذا خذتها.
واشغلت امي كل ماشفتها اقولها ادعي لنا نفوز وتقولي طيب لين ملت وزبدت لي قال رح عني ولا بدعي عليكم
عاد طول المباراه وانا عندي احساس اننا بنفوز مافقدت الامل وكنت كلي ثقه والحمد لله راموس ماقصر
ياليتكم شايفين وجه اخوي البرشلوني
واخوي المدريدي وشلون يناظره
وانا من الفرحه ضميت اخوي وقعدت اطامر كاني خبل في المجلس
وحالتي حاله
يوم جا هدف بيل عاد اخوي البرشلوني عطاك التصريفات
والله المفسر يفسر مزبوط !
انا ودي مدريد ياخذها عشان ان شاء الله الهلال ياخذ آسيا معه !
ومن ذا الكلام ههههههههههه وهو طول المباراة ضدنا
ويقول الله يلعن هالراموس <خلاه يفتح لابتوبه بدري ايام البايرن ههههههههههههههههههههه
تصدقون لين الحين وانا افكر بالمباراة وودي اعيدها بس مشكله وقت اختبارات
الله يوفقكم باختباراتكم
ادعو لي بالتوفيق |