نبي كل واحد يقول وش كان وضعه في الدقيقة الـ90 وكيف صار في الدقيقة 93
..
أنا صراحة كنت بغرفتي ومتوتر وافكر هل بقدر انام بعد الهزيمة ؟ هل بقتنع ؟ هل بستوعبها ؟ حاولت أهونها في قلبي لكن والله عيت تجي !
أقول مرات : يا رجال عادي راس مالها كورة .. لكن اسمع واحد ثاني يقولي : نصاب صدقني مابتنام وبتقعد في قهر مايعلمه الا الله .
وأنا مابين هذا الصراع النفسي في داخلي ...
إلا بـ سيرجيو راموس يقولي : يارجل والله ماتنام الا وانت مستانس اليوم !
خذ لك صراخ ! خذ لك نياح ! خذ لك حركات أكروباتيه !! كنت اجهل كيف اسويها ولكن بالامس سويتها !
فتح الباب علي اخوي الصغير ! الا واسمع صوت الوالد بالصاله يصارخ بعد ! قلت ياقلببببي
فرحة الشيبان ماتجي الا على شي كبير كبير ! وهذا هو مدريد ماهان عليه ينوم الكبير قبل الصغير وهو حزين .
أسعدونا أسعدونا الله يسعدهم
رحت عند الوالد ركض ! قلت له : أجل قاعد تتابعها ! قالي من بعد مباراة الهلال وجابيليو في كأس آسيا ماشفت مباراة مثلها بالحماس والقوة الا هالمباراة وصدقني الفوز بيكون للريال ! قلت له إن شاءالله يارب
وجت الجلطة بعدها من بيل
وبعدها من مارسيلو !
وآخرها من الدون !!
انا وين في علم ولا حلم !! اصارخ والناس نيام والوالد اسمع صوته يصدح ماشاءالله : قايل لك قايل لك ! مبروكين مبروكين !
... آآآآآه يا ريال مدريد ! كم اعشقك
هذي مباراة يجب ان تدرس لأجيال وأجيال وان يتفاخر بها كل من حضرها
