نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ..(( رابطة " نادي القرن " البلانكو )).. 2005 / 2006

zizo4ever · #2100 15/07/2005, 05:32 AM

[align=center]
عندي مداخله بخصوص كم موضوع يخص الريال
نمسكها حبه حبه
::::: فيجو و الريال :::::
من منا ينكر نجومية فيجو ؟!! لكن النجوميه ما تسوي شىء المهم هو الروح فيجو آخر موسمين صراحة كان صفر على الشمال يعني لا يهش ولا ينش
دايم يستلم الكورة ويروح عند الركنيه ويطييح نفسه يبغى فاول!!!
وين فيجو يورو2000 والله زمن هذا الكلام لا يعني أن فيجو غير مفيد لكن بالعقل وش تبي بلاعب يقعد إحتياط وخسر النادي12 مليون>>يعني قيمة لاعب ماعليه أو لاعبين مشحي الحال أو حتى 3 لعيبه أشكال جرافيسين
والأحسن له وللنادي يخفض راتبه ويبقى منها ينهي مسيرته مع زيدان ومنها يبقى بالريال ومنها بيفيد الفريق لأن مافي فريق في العالم ما يحتاج فيجو .
::::: زيدان والريال :::::
نفس الكلام الى ينقال عن فيجو ينقال عن زيدان لكن الفرق الى بينهم أن زيدان قد يفعل شىء من لاشيء والى يبغا يصدق كلامي يشوف مباراة الريال وفيا ريال في البرنابيو.
أما زيدان إذا كان فايق ورايق خذ كورة خذ متعه وإبعد البيالات والفناجين من عندك

والي بيتأكد يسأل تورام وكامورانيزي
على قولة وليد زيدان ممكن يقعد بكرسي في نص الملعب ويعطيك تمريرة بهدف
::::: فيـــــــــــــــــــــــــــــــرا :::::
أشـــــــــــــــوف الكل شاب في بيريز لأنه ما جاب فييرا بيريز لو كان يبغا فييرا كان جابه حتى لو بضعف عرض اليوفي
لكن في تصريح قريته لبوتراجينيو إذا ما خانتني الذاكرة يقول أن فرصة فييرا قد ذهبت يعني بالعربي يوم كان الفريق يبيك رفضته والحين تبغانا نجيبك
للمعلوميه فييرا لم يخرج من الهايبري إلا علشان يحقق التشامبيونز ليق وهذا حلم إبليس في الجنه لأن اليوفي مستحيل يجيب ذي البطوله
**بالنسبه لدفاع اليوفي أعتقد إنه كبير نسبيا إذا إستثنينا زامبروتو
كانافارو بيطق الـ32
تورام أعتقد أكبرمنه بشوي
زيبينا غبي ونكابه تقدر تقول برافو بس مربي شعر ومغير اللون
تودور + مونتيرو لا تعليق
وش يفيدك محورين عالميين دام هذا دفاعك!!!

المحاور يمكن تفيدك مباراة ثنتين عشر لكن الدوري 38 مباراة غير التشامبيونز والكأس
بإختصار لازم يكون في توازن في الفريق علشان يمشي يعني تصريف إيمرسون وجلب مدافع كبير يمكن صامويل

ياليت لو نتناقش في النقاط هذي

قفله##
هنري14 إش دعــــوة ما ترد إلا على الى يرد عليك
موب إني ما أرد عليك إني ما أطيقك ولا شيء كل مافي الأمر إنه في أشياء ينرد عليها وأشياء عادي الكل يقراها ويمشي>>عاد الحين أنا رديت عليك لازم ترد علي

قفله ثانيه##
إلحــــــــــــــــــــين بطير على أقرب فني دشوش وأركب هوتبيرد علشان أشوف الملوك
ترى ماكان عندنا هوتبيرد>>أحافظ على أخلاقي

قفله ثالثه##
الداب >>وين الناس عسا ماشر
عبدالله>>أفااااااا تزور العالميه ولا تجينا
كم أنا متشوق لروؤية المشاركة 18001
آآآآآآآآآآآآآســــــــــــــــــــــــــــــــــف على الإطاله
<<صار موضوع ذا موب رد

[/align]