مباراة الريال واسبانيول مطالبين فيها بالفوز ،، انك تتاهل لدوري الابطال المركز الثاني غير الثالث ،، لان الثالث راح ينزل من تصنيفك في قرعة المجموعات ،، ان شالله نطلع بالنقاط ال 3 وان شالله ان الاتلتيك يفوز على البرسا

******************************************************

بالنسبة للنقاش اللي حاصل على موضوع الدكه ،، دكة الريال نسبيا قويه ،، اكثر من كذا بصراحة راح تسبب فوضى ،، الا اذا فيه بدائل للي موجودين حاليا

عيب الريال انه ماتعاقد مع مهاجم بديل ل بنزيما ،، غير كذا اشوف الفريق يعتبر شبه كامل والكمال لله


ومثل ما وضحو بعض الشباب مشكلتنا كانت بالاصابات ،، انحرمنا من بعض اللاعبين في اوقات متقاطعه كانت كفيله في انها تحطنا في موقف احسن من اللي احنا عليه حاليا في الدروي ،، وبرضو وحده من المشاكل اننا اكلنا مقلب في ايارا وموراتا ،، فمن وجهة نظري الريال ماشي بشكل صحيح الى الان لكن يحتاج بعض التغييرات اللي راح تساعد الفريق في انه يتطور بشكل كبييير جدا

بعض اللاعبين لازم نستغني عنهم (ايارا - ناتشو - موراتا - خضيرة - اربيلوا) ،، ايارا صععععبه جدا انه يوصل للمستوى المطلوب باقل من 3-4 مواسم ،، وخالنا الونسو حاليا شيب ونبي واحد يكون جاهز ،، لاعب ممكن يعطيك على الاقل نصف موسم بمستوى خرااافي ويكون فيه مداوره بينه وبين الونسو ،، ناتشو وموراتا الكاستيا كثيره عليهم على ان ناتشو عمره 24 او 25 ومع هذا يلعب وكانه لاعب ناشئ !!! خضيره ممتاز لكن اذا كان بديله بوقبا او فيدال فا اتمنى له التوفيق لان مع احترامي له صعبه ينافسهم ،، اما اربيلوا شخصيا مو مقتنع فيه ،، بعض الشباب يتعاطفون معه بسبب "ولاء اللاعب" ،، كل يوم والثاني ناقز وكاتب له توتيت الريال في قلبي والريال مدري ايش ،، انا ماعلي اذا الريال بقلبك انا علي انك تلعب زي العالم والناس ،، من يوم ما جا وهو ناكبنا ،، صحيح يتفلت بعض المبارايات لكن خلاص اخذ وجه !!

بدائلهم (مانقالا مدافع بورتو - دي تشيليو ظهير ميلان - بوقبا - راكيتيش - سواريز) ،، مانقالا مدافع ممتاز ،، بيكون هو وفاران يعوضون بيبي وراموس ،، وجود اربع مدافعين شي مهم ،، الموسم عندك فيه تقريبا 50 مباراة (كل البطولات) ،، اصابات / ايقاف / ارهاق / ضغط مبارايات ... الخ وغير المبارايات الدوليه مع منتخباتهم اللي هي السبب الاول في اصابات اللاعبين ،، فتحتاج الى مدافعين جاهزين في كل وقت ،، اما بالنسبه دي تشيليو كان انشيلوتي يطالب فيه اذا ماكنت غلطان ،، ظهير يلعب يمين ويسار ،، والله يا شباب انه ممتاز ،، صغير وقدامه مستقبل ،، بيكون افضل بديل ل كارفخال ،، اما بالنسبة ل بوقبا او فيدال فيكون معوض لالونسو ،، الونسو كلها كم موسم وبيعتزل ،، عمره 34 او 33 ،، خليفته لازم من الحين يجي ،، وغير كذا كثرة المبارايات ارهقت اللاعب بشكل ملحوووظ ،، ما الومه طبعا ،، هذا المركز جدا حساس وبما اننا نعتمد على 4-3-3 فلاااازم يكون بديل الونسو لاعب خبره موب بزر مايعرف يثبت كوره !! ،، بالنسبة ل راكيتيش ،، بديل ل مودريتش او دي ماريا ،، ويكون ايسكو وخيسي بدلاء للاطراف او وين ما تحتاجهم ،، وجود لاعبين من هذي النوعيه تعطيك مرونه في الاختيار والتنويع ،، اما بالنسبه ل سواريز ،، اللي يقدمه بنزيما سواريز يقدم افضل ،، سواء من صناعة لعب او تسجيل اهداف ،، ممكن يعلب راس حربه صريح ،، يلعب مهاجم ثاني ،، يلعب على الاطراف



دفاع: كوينتيراو - مارسيلو - راموس - مانقالا - بيبي - فاران - دي تشيليو - كارفخال

وسط: الونسو - بوقبا - راكيتيش - كاسيميرو - مودريتش - دي ماريا - ايسكو

هجوم: بايل - خيسي - بنزيما - سواريز - كريس



انا كل خوفي من شي واحد ،، هو ان بيريز يبيع دي ماريا ،، والله يا هي صدمه لو صارت ،، وما استبعدها ابداااااااااااااااا