الحمد لله قبل كل شي على هذا الفوز و الخروج بنتيجة إيجابية من ارض الخصم و هذا يعتبر 75% من مشوار التأهل لدور الثمانية بإذن الله تعالى.

الدفاع كان متماسك و قتالي جدا ( يعطيهم العافية ) ماقصروا و تعاملوا مع الهجمات بكل واقعية و بدون اي فلسفة ... وهذا اللي كنا نبحث عنه من فترة طويلة التعامل مع الكرة بجدية و قتالية ..

الحراسة ممتازة 100% و بيض الله وجه السديري كان مصحصح و كان نجم الفريق الاول بلا منازع .. لان كان في كم هجمة خطيرة جدا و لولا الله ثم السديري كان في كلام ثاني ..
بشكل عام الفريق تعامل مع المباراة بجدية و احترم الخصم و جماهيره ...

و لكن .. مازال يعاب على الفريق بعض التمريرات الساذجة احيانا .. و التي تقطع دون عناء يذكر من لاعبي الخصم .... مادري ويش السبب ؟!!
يعني بينك و بين زميلك 20 متر ... و لاعب الفريق الاخر قريب بمنك بحوالي 5 امتار... كيف تلعب الكورة بطيئة لزميلك ؟!!؟؟؟ يعني اللاعب مو مقدر المسافة و قرب لاعب الخصم منه و لا كيف ؟؟ ..

عموما بيضوها الشقردية و باذن الله تعالى الوعد في الدرة ... و اتمنى عدم التخاذل و الاستسلام لنتيجة هذه المباراة و مافي داعي اذكركم بمباراتنا مع ( الغرافة ) و اللي المفروض انها كانت مضمونة بنسبة 100% و انتم عارفين و ايش اللي صار وقتها و كيف تأهلنا بشق الانفس بالرغم من النتيجة الكبيرة اللي حققها الفريق في الرياض ..