هلا والله وغلا بقاهرهم
أخوي الحبيب

والله النصر يملك من الإعلامين مالايعدون ولكن كما ذكرت فهم كغثاء السيل خوافين مايقدرون يصرحون برأيهم لأنهم عارفين خاتمة التصؤيح بالرأي ولن يقوم أحد المستصحفين بوضع رقبته عتبة لتحول اتجاهات الرأي الإعلامي النصر واي ولهذا سيبقون ( الشور شورك يايبه والراي رايك يايبه ) وبعدين أنا معك باللي تقوله عن رئيس النصر ( أطال الله في عمره وعلى كرسي الرئاسة النصراوي ) لأنه لو تغير فهي مشكلة المشاكل أخاف يجي واحد أحسن منه وتزين أموروهم شوي إلا خله على الكرسي وعساه على القوة ( هك ولعب على عقول الضعفة ) والخاسر الوحيد هو الفريق النصراوي ... الله لايغيره ( قل آمين ) يابو هيا ...


وبعدين ياخوي إنكار نسب وموطن الكابتن ماجد والله مهزلة المهازل بجد وأنا بصراحة ما أعرف من وين يجيبون هالحقائق لكن هم بصراحة ماينلامون متعودين على الكذب وتزييف الحقائق ... على فكرة وين السوداني اللي بالمنتدى على قولة الرمز غريبه ( ما نقزت الشحمة من القدر ) ...


أما تصريح النصروايين بعد المباراة والله يموت من الضحك لكن ماقلت لك الله يديم الرئيس والنائب بعد على قمة الهرم النصرواي أطول فترة هذا معناه مافي أمل يتحسن الوضع ولو تحسن بسيط والأمير محمد العبدالله لاتخاف عليه والله يرد الصاع صاعين لهم وحدة بالملعب والثانية غذا جا وقته مايخليها لهم وأعيد اللي يكسب ويضحك هو والله حنا يالله لك الحمد أصلا هذولا وأنا أخوك ما وجدوا على الساحة الرياضية إلا علشان ( ؟؟؟؟؟؟؟؟؟؟ ) عليهم ...

لكن لي طلب وأنا أخوك لا عمرك تبين سلبياتهم ( خلهم ) على عماهم الله لايعمينا



ختاماً الله يعطيك ألف عافية ومبروك عليك الشهر يابو هيا